Un home, ao parecer de Padrón, cae ao río Ulla co seu coche e sae practicamente ileso.

Sobre ás 22:30 horas do 8 de xaneiro, un home de 61 anos apareceu todo mollado nas proximidaes dunha casa no Pozo da Cornelia de Pontecesures. Os titulares da vivenda abrigáronno e foron avisados un fillo do home que vive en Cordeiro e os efectivos de emerxencias, participando Protección Civil de Valga e posteriormente tamén os de Pontecesures.
Foi ao Centro de Saúde de Valga e esta tarde permanecia no Hospital Clínico de Santiago en observación xa que tragou bastante auga e tivo unha hipotermia considerable por mor das baixas temperaturas.
Segundo contou a familia do home, o seu coche, un Mercedes 300, caiu ao río nas ramplas próximas a EDAR de Pontecesures, logrando saír do vehículo e percorrer nas augas, levouno a corriente, os 200 metros aproximadamente que hai dende esas ramplas ata as leiras onde logrou saír do río.