Nota da ANPA aos pais/nais sobre diversos temas.

ANPA CPI PONTECESURES

Realizada en días pasados a demostración de aeromodelismo, infórmase que en xaneiro comezará a actividade dirixida a nenos/as maiores do 8 anos. Os interesados deben poñerse en contacto coa ANPA para ver se é posibel formar un grupo de traballo.
Tamén se informa de que se prorroga o prazo para o pago da cota da ANPA ata o día 15 de xaneiro de 2007.

Un ano máis, esta ANPA colabora co concello na organización da Cabalgata de Reis 2007 que está anunciada para as 17 horas do día 5 de xaneiro na Prazuela. Se algún pai/nai quere axudarnos pode poñerse en contacto connosco. Queremos facer un chamamento a nenos e maiores para que acodan a recibir aos Magos de Oriente nesa tarde-noite de ilusión.

Para rematar a Xunta Directiva deséxalle aos pais/nais, alumnos/as e persoal do centro un bó Nadal e un feliz Aninovo 2007.

Pontecesures, 19 de decembro de 2006

Luis Angel Sabariz Rolán
Presidente