Medio Rural investirá 1,5 millóns de euros nos quince concellos do Salnés e Ulla-Umia.

A Consellería de Medio Rual ven de aprobar un investimento de máis de 6,6 millóns de euros para o financiamento de infraestruturas básicas no rural galego, dos que máis de un millón e medio se destinarán aos municipios das comarcas do Salnés e Ull-Umia.

As actuacións previstas enmárcanse dentro do denominado Plan Estratéxico de Investimentos no Medio Rural, co que, segundo a Consellería, se pretenden corrixir desequilibrios históricos e mellorar a calidade de vida dos habitantes dos núcleos rurais.

Dos 6.625.000 euros que se adicarán no 2008 a financiar este plan plurianual, as comarcas do Salnés e Ulla-Umia son as que acadan unha maior porcentaxe do investimento, xa que encabezan o listado cun total de 1.520.000 euros, que se repartirán entre os quince municipios que as forman en base a uns criterios obxectivos pactados en función da poboación, dos investimentos históricos, do carácter agro-gandeiro de cada zona, do grao de despoboación ou de envellecemento poboacional.

Segundo o delegado provincial de Medio Rural, Gonzalo Constenla, o obxectivo deste Plan Estratéxico de Investimentos é dotar ao rural dos servixos necesarios para que «sexa vivo e dinámico e se logre a mesma calidade de vida das zonas urbanas». Con este plantexamento, o investimento de 1,5 millóns de euros que a Xunta investirá nas comarcas de Ulla-Umia e o Salnés destinarase a financiar infraestruturas básicas nos núcleos rurais, como poden ser obras de saneamento, abastecemento de auga ou mellora de camiños e pistas forestais.

DIARIO DE AROUSA, 03/11/07