Novos sinais en Pontecesures.

Nestes días estanse a colocar en Pontecesures varios sinais e paneis informativos sobre zonas de interese do noso municipio. En concreto vanse colocar nove sinais orientativas en puntos próximos e estas zonas e oito paneis nos mesmos lugares. Esta información afecta ó Mirador do Galiñeiro, ó do Pino Manso, o monumento ó Coche de Pedra, o Alfolí, a ponte romana interprovincial, o cruceiro de San Lázaro, a capela do Pilar, etc..

Tamén será instalado no centro da vila un punto de información multimedia para indicar zonas de interese do territorio Ulla-Umia.

O custo desta actuación en Pontecesures é duns 13.000 euros que son afrontados na súa totalidade pola ADR Ulla-Umia a través do programa LEADER PLUS que adxudicou os traballos á empresa de sinalizacións Sebagasa.

Con satisfacción recíbese este investimento que é moi importante para mellorar a información sobre as zonas de interese na nosa vila.