O valado de Novo Núñez segue a causar problemas. Colisión dun vehículo onte.

Xa en dúas ocasións solicitou publicamente este concelleiro que se realizasen xestións para que fose retirado o valado na fronte dunha edificación da rúa José Novo Núñez (a carón da Casa do Concello). A cesión e urbanización do terreo está vinculado á licenza da vivenda pero a fronte semella rematada e procede a retirada dos obstáculos por razóns de seguridade e incluso de estética na propia estrada N-550, e o arranxo tanto da beirarrúa actual como a urbanización do terreo cedido
Non hai moito un neno meteu un pe nunha arqueta ao aire na beirarrúa destrozada que da a o valado, afortunadamente sen danos. Pero onte, sobre ás 16:35 horas, tivemos xa a segunda incidencia pois un vehículo colisionou co valado e tivo importantes danos do lateral do mesmo.
Segue o perigo e segue sin resolverse esta cuestión. Prégase de novo tanto ao alcalde como ao concelleiro de obras, Ángel Souto, que se tomen todo tipo de medidas para solucionar este asunto.

Pontecesures, 08/05/12

Luis Ángel Sabariz Rolán
Concelleiro da ACP de Pontecesures.