A iluminación dos andéns da estación de Pontecesures volveu a dar problemas.

Logo de repararse a avaría que deixou sen luz os andéns e a marquesina os días 1 e 2 de xaneiro,  os días 5, 6, e 7 de xaneiro quedou outra vez inoperativo o alumeado coas conseguintes queixas dos usuarios do ferrocarril que teñen que estar a escuras na espera do tren.

Pois ben; no día de hoxe, tras denunciar a situación esta agrupación,  reparouse de novo a deficiencia, pero dende a ACP solicitamos ao ADIF que se substitúa con urxencia o cadro eléctrico antigo da fachada do edificio da estación. Do contrario vai haber avarías a miúdo pois o cadro actual presenta moitas deficiencias.