Mañá 9 de xaneiro, ás 17 horas, pleno extraordinario e urxente sobre a variante da N-550.

Este foi un dos acordos tomados da xuntanza dos grupos políticos celebrada hoxe na Casa do Concello. Levarase unha moción conxunta consensuada por todos os corporativos rexeitando a alternativa aprobada de xeito provisorio.

A ACP fai un chamamento aos veciños para que asistan ao pleno. Ainda que están previstas xuntanzas cos veciños nos vindeiros días sempre é importante informarse de primeira man nos plenos dos asuntos municipais e máis desta transcendencia.