CHARLA INFORMATIVA SOBRE AS AXUDAS PARA REHABILITACI�?N DE VIVENDAS NO CAMI�?O DE SANTIAGO.

A Consellería de Infraestruturas e Vivenda da Xunta de Galicia publicou no DOG nº  246 de data 28/12/2015, a Orde do 22 de decembro de 2015 pala que se abre o prazo para solicitar a participación para actuacións de rehabilitacións de edificios e vivendas no ámbito da área de rehabilitación integral dos Camiños de Santiago, no marco do programa de rexeneración e renovación urbanas do Plan estatal de fomento do alugamento de vivendas, a rehabilitación edificatoria e a rexeneración urbanas 2013-2016.

Por tal motivo e dado que este concello atópase na área de rehabilitación integral (ARI) dos Camiños de Santiago, o vindeiro día 6 de xuño, ás 17.00 horas, celebrarase unha charla informativa no Salón de Sesións da Casa do Concello impartida por un técnico do Instituto Galego de Vivenda e Solo.

En consecuencia, convócase a todos/as os/as veciños/as interesados/as en asistir á devandita charla na que se informará aos asistentes sobre o ámbito e os requisitos das actuacións, as actuacións subvencionables, as persoas que poden ser beneficiarias das axudas, o procedemento e prazos para presentar as solicitudes e a contía máxima das axudas.

Bando informativo da charla do 6 de xuño.