O alumeado da ponte interprovincial vai ser arranxado en breve.

Sen tempo non é. O alumeado da ponte intreprovincial sobre o río Ulla (estrada N-550) leva moito tempo en estado lamentable. Cada vez máis luminarias afundidas, accendendo a destempo, con elementos caidos sobre a propia ponte, etc.. isto, sobre todo agora no inverno, tradúcese nun perigo evidente para vehículos e péons. Agora, ao parecer antes de fin de ano, a Demarcación de Estradas do Estado en Galicia vai acometer a renovación das luminarias instalando tecnoloxía LED.
Logo do repintado da sinalización horizontal da nacional levada a cabo hai pouco que mellora a seguridade vial esta actuación no alumeado da ponte considérase inaprazable.