Pontecesures súmase ao servizo de orientación laboral que presta o Concello de Valga.

A oficina ofrece un diagnóstico individualizado dos demandantes de emprego na procursa da súa inserción no mercado de traballo

Os Concellos de Valga e Pontecesures veñen de asinar un convenio de colaboración para a prestación do servizo de orientación laboral a persoas demandantes de emprego. As accións que se ofrecen a través deste servizo inclúen un diagnóstico individualizado e a elaboración do perfil ocupacional das persoas demandantes de emprego; o deseño de itinerarios personalizados para o emprego e acompañamento no seu desenvolvemento; deseño, planificación e execución de acción grupais de orientación laboral que poidan ser de interese; asesoramento e axuda na elaboración dun currículo; información sobre a situación do mercado de traballo, as políticas activas de emprego e a oferta formativa e o apoio á xestión da mobilidade laboral.

La Voz de Galicia