O equipo de goberno do Concello de
Pontecesures ven de adxudicar a obra “Reforma
e ampliación dos vestiarios do campo de fútbol municipal de Pontecesures” á
empresa GROMA OBRAS S.L. por un importe de
41.583,24€ dos que 23.452,95 son subvencionados pola Xunta de Galicia a
través da Axencia Galega de Desenvolvemento Rural “AGADER”, 16.703,97€ son
subvencionados pola Deputación de Pontevedra a través do Plan Concellos 2019 e
1.426,30€ son aportados polo Concello de Pontecesures.
Tal como se recolle no propio
proxecto, os actuais vestiarios teñen unha capacidade moi reducida para a
cantidade de deportistas que fan uso do campo de fútbol, tanto afeccionados
como profesionais. Esta falta de capacidade maniféstase de maneira especial
cando se celebran torneos con varios equipos, e máis aínda cando se trata de
equipos ou torneos mixtos, xa que non resulta posible facilitar espazos de
vestiarios para equipos masculinos e femininos. Trátase, ademais, duns
vestiarios cunha construción e acabados moi básicos, o que unido a antigüidade
das instalacións, fan que resulten actualmente moi deficientes. Presentan,
ademais, problemas para dar servizo a persoas con capacidade reducida, tanto
para a accesibilidade aos propios vestiarios e servizos, como de uso das
propias instalacións.
Nunha única actuación, a de “Reforma e
Ampliación dos Vestiarios do Campo de Fútbol Municipal”, preténdese emendar,
dentro dos medios dispoñibles, todas as eivas detectadas, aumentando a
capacidade dos vestiarios, posibilitando así dispoñer de vestiarios masculinos
e femininos nos momentos nos que sexa preciso, e mellorando as condicións de
salubridade e accesibilidade das instalacións actuais.
ATENDO CALIDADE S.L solicita 6 postos de traballo dentro do AREA SOCIOSANITARIA, para traballar con persoas en situación de dependencia.
3 postos durante o período de vacacións (do 02 o 16 de Setembro), no seguinte horario, de 18:00 a 21:30 de Luns a Venres; e Domingos de 08:00 a 13:00 e de 18:00 a 21:00.
3 postos máis, tamén durante o período de vacacións (do 02 o 16 de Setembro), no seguinte horario, de 08:30 a 13:30 e de 18 a 21 de Luns a Venres.
O noso servicio atende a
personas con diferentes tipos de patoloxías e grados de dependencia, polo tanto
buscamos a profesionaies sociosanitarios con unha alta vocación de servizo.
O servizo prestarase nos
domicilios dos usuarios, na zona de TEO.
Formación: (1 das seguintes opcións)
– Auxiliar de axuda a domicilio – Técnico Sociosanitario
– Auxiliar de enfermería
– Auxiliar de clínica
– Certificado de Profesionalidade (a domicilio/en institucións).
– Título similar ou cursando
algunha das anteriores formacións
Carné
de Conducir e Vehículo Propio, Incorporación inmediata
O Programa GOZA DO ULLA desenvolvese dende maio a
outubro nos concellos bañados polo río Ulla, dende prácticamente o seu
nacemento ata a desembocadura na ría de Arousa, en cada concello realizase unha
ruta que dalgún xeito está relalcionada co río, ben porque a ruta discorre a
carón do mesmo ou porque dende a ruta se pode observar o trazado do río; como é o caso de Pontecesures. En
Pontecesures levarase a cabo a ruta denominada OLLANDO O ULLÁN o vindeiro domingo 1 de setembro.
Esta ruta ten un
percorrido aproximado de 15-16 km e
realizase en 4 horas aproximadamente.
Súbese a ladeira do Monte Castrovalente e á cima do Monte Salgueiras para
rematar baixando polo mirador da Galiñeira, pasando polos Petroglifos da Pedra
da Serpe. É un percorrido de dificultade media que nos permite ver en toda a
súa extensión o Val do Ullán e o trazado
que fai no seu centro o río Ulla.
Inscrición previa na
oficina de xuventude do Concello de Pontecesures no teléfono 986 564 410 ou no
mail xuventude@pontecesures.org
, tan so hai indicar nome e apelidos, concello de procedencia e número de
teléfono. Saída DOMINGO 1 DE SETEMBRO ÁS
9.00 HORAS NA PLAZUELA DE PONTECESURES.
Dende o Concello de
Pontecesures animase tanto aos veciños como á xente de fora do pobo a
participar nesta actividade. A ruta estará guiada por unha persoa posta polo
concello, disporemos en tres ou catro puntos da ruta con servizo de avituallamento,
que ofrecerá bebidas e frutas aos camiñantes.
