Por mor das dificultades que está tendo o Concello para conseguir
empresas que conten con socorristas para a piscina municipal, vémonos
obrigados a POSPOÑER ATE NOVO AVISO A APERTURA DA PISCINA programada
para as Festas do Carmen como viña sendo tradición. Agardamos que esta
situación sexa coxuntural e se consiga resolver o antes posible unha vez
se atope persoal para servizo de socorrismo e aperturar a piscina no
menor tempo posible. Pedimos desculpas ós veciños e veciñas por este
contratempo e poñeremos todo o esforzo en resolver esta situación coa
maior celeridade.
Esta semana deu comezo o
Campamento de Verán organizado polo Concello de Pontecesures. A
actividade, con grande éxito de acollida ao contar con mais de 60 participantes
nesta primeira quenda, vai dirixida a nenos de 3 a 12 anos e a súa finalidade é
a de proporcionar de xeito gratuito, para aqueles nenos e nenas empadroados no
concello, alternativas á conciliación familiar e laboral ás familias de
Pontecesures e concellos veciños na época estival.
Durante todo o verán,
os cativos e cativas disfrutarán
dunhas xornadas de lecer que lles darán a oportunidade de coñecer diferentes áreas do noso concello ao
tempo que se fomentan hábitos de cooperación e convivencia, así como de
educación ambiental, educación en valores, emocional e en igualdade.
