CONCELLO DE PONTECESURES

2ª NOTA INFORMATIVA DO CONCELLO DE PONTECESURES: RECORDATORIO DO SISTEMA DE RECICLAXE DE MOBLES E ENSERES DOMÉSTICOS, RESTOS DE PEQUENAS OBRAS E APARATOS ELÉCTRICOS E ELECTRÓNICOS.

Logo do recordatorio público que fixo o Concello de Pontecesures, o pasado mes de agosto de 2018, sobre a reciclaxe de mobles, enseres domésticos, restos de obras e aparatos eléctricos; continúa o vertido indiscriminado –ver fotografías- que  seguen facendo algúns veciños/as en algunas zonas do pobo, deixando todo tipo de restos de materiais domésticos a carón dos colectores de recollida de lixo (inodoro e neveras neste caso), dando unha penosa imaxe do noso pobo. Ante esta situación recórdase outra vez a toda a veciñanza o sistema de recollida destos refugallos no noso pobo:

  1. ENSERES DOMÉSTICOS E MOBILIARIO: Hai que chamar previamente ao teléfono 639 107 638 (da empresa concesionaria da recollida do lixo FCC). Neste contacto indicarán o lugar donde debemos depositar os residuos, que será normalmente no espazo a carón dos colectores de lixo máis próximos, e tamén a data na que se levará a cabo a recollida (normalmente recomendan depositar estos materiais a noite anterior ao día da recollida). Este mes de febreiro os días de recollida serán os martes 12 e 26.

 

  1. RESTOS DE PEQUENAS OBRAS DOMÉSTICAS E APARATOS ELÉCTRICOS E ELECTRÓNICOS: Estos recóllense a domicilio o 4º xoves de cada mes, para isto hai que chamar previamente ás oficinas centrais da Casa do Concello (986 557 125) para que tomen nota do nome do veciño/a, o enderezo e os materiais que hai que recoller. Este mes de febreiro o día de recollida é o xoves 28.

Dende esta administración municipal agardase que non continúen estos vertidos xa que en caso contrario terá que proceder a tomar as medidas legais e coercitivas  que correspondan con estas faltas.

Por CONCELLO DE PONTECESURES, fai

Intenso fin de semana de promoción turística do Concello de Pontecesures.

Se o venres foi o turno da asitencia a 20ª  edición da feira internacional de turismo gastronómico Xantares Ourense, onde o Alcalde Juan Manuel Vidal e o Tenente Alcalde Angel Souto foron convidados pola Consellería do Mar da Xunta para a celebración do día do Mar en Expourense, o sábado novamente tanto o Manuel Vidal como Angel Souto recibiron no peirao de Pontecesures a chegada polo Ulla unha veintena de representantes de tour operadores procedentes de Brasil, México,  así como representantes de prensa especializada no sector turístico tanto nacionais coma extranxeiros, a fin de coñecer as potencialidades que a Variante Espiritual ata Pontecesures polo Ulla ofrece para o turismo relixioso e gastronómico.

Estes profesionais foron convidados no Hotel Casa do Rio a un briefing informal onde se intercambiaron agasallos e se informou das melloras previstas encamiñadas a dotar Pontecesures de infraestructuras axeitadas para acometer con éxito novos retos turísticos.

Non deixaron pasar a ocasión de interesarse pola tan afamada lamprea do Ulla, e tanto anfitrións coma convidados visitaron as instalacións da Casa da Lamprea e a remodelada Praza de Abastos onde gracias a Carmen Batalla e Tatiana puderon coñecer ,moitos por primeira vez, as nosas lampreas, as súas cualidades culinarias, a súa historia, arte de pesca e as celebracións gastronómicas que en Pontecesures xiran entorno á nosa Dama do Ulla.

Por CONCELLO DE PONTECESURES, fai