Sin Categoria
O CONCELLO DE PONTECESURES BUSCA SOLUCIÓNS PARA RESOLVER A SITUACIÓN DE DETERIORO DO PASO PEONIL ELEVADO SOBRE A ESTRADA N-550.
O Alcalde de Pontecesures mantivo unha xuntanza co vixiante da Demarcación de Carreteras do Estado en Pontevedra, dependente do Ministerio de Fomento, para trasladarlle a necesidade de melloras na pasarela que atravesa a estrada N-550 ao seu paso polo pobo e que precisa dunha reforma estructural de certa entidade.
O rexidor trasladoulle ao ministerio a necesidade de melloras consistentes en reparacións tanto dos encofrados como dos pilares que a sosteñen nos que xa se aprecian sinais evidentes de deterioro e de oxidación dos forxados da estructura.
Sin Categoria
PROXECCIÓN DA CURTAMETRAXE “MIÑA” (UNHA REFLEXIÓN SOBRE A VIOLENCIA DE XÉNERO), MÉRCORES 14 DE NOVEMBRO NA CASA DO CONCELLO DE PONTECESURES.
O Concello de Pontecesures como integrante da Rede de entidades locais contra a violencia de xénero (ao abeiro do Acordo de Colaboración asinado entre a Secretaría Xeral da Igualdade da Xunta de Galicia e a Federación Galega de Municipios e Provincias); organiza:
· Proxección da curtametraxe “MIÑA” e foro-debate con profesionais sobre a abordaxe da violencia de xénero no ámbito veciñal.
MÉRCORES 14 DE NOVEMBRO ÁS 18.00 HORAS NA CASA DO CONCELLO.
Boletín emprego 19/outubro/2018Sin Categoria
Axudas Individuais para persoas con Discapacidade 2018.
Infórmase á veciñanza que a Consellería de Política Social, abre o prazo de presentación de solicitudes de Axudas Individuais para a adquisición de servizos de promoción da autonomía persoal, así como a adquisición de servizos complementarios de asistencia persoal que se realicen entre o 1 de xaneiro e o 30 de novembro de 2018, para persoas con discapacidade.
Requisitos
– Ter recoñecido un Grao de Discapacidade do 33% ou equivalente
– Estar empadroada/o e ter residencia nalgún concello de Galicia
– Que a renda per cápita da unidade familiar da persoa solicitante, non supere o 300 % do IPREM mensual vixente
– Que a entidade/profesional autónomo que presta o servizo de promoción da autonomía persoal figure inscrita/o, con anterioridade ao prazo de finalización de presentación de solicitudes, no RUEPSS,
Incompatibilidades
Quedan excluídas desta convocatoria as persoas beneficiarias de calquera servizo, prestación ou recurso derivados do Sistema para a Autonomía e Atención á Dependencia, como consecuencia da aplicación da Lei 39/2006, do 14 de decembro, de promoción da autonomía persoal e atención ás persoas en situación de dependencia.
Presentación de solicitudes:
As solicitudes de participación nesta convocatoria deberán presentarse preferentemente de forma electrónica a través do formulario normalizado dispoñible na sede electrónica da Xunta de Galicia, https://sede.xunta.gal. Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario/a e clave Chave365, que pode solicitar accedendo á web https://sede.xunta.gal/chave365.
Opcionalmente, tamén se poderán presentar as solicitudes en soporte papel.
O prazo de presentación de solicitudes remata o 19 de novembro.
A persoa beneficiaria deberá ter realizadas as actuacións obxecto da axuda antes do 30 de novembro e en todo caso, a data límite para presentar a xustificación será o 10 de decembro de 2018.
Documentación:
– Solicitude e anexos (procedemento BS613B)
– Declaración do conxunto de todas as axudas solicitadas e concedidas derivadas do SAAD ou outras axudas (anexo I).
– Autorización de comprobación de datos (anexo II),
– Copia do libro de familia, no caso de que a persoa solicitante sexa menor de idade.
– Certificado de discapacidade, no caso de ser expedido noutra comunidade autónoma.
– Outra específica en función do obxecto da axuda solicitada (consultar as bases).
Para máis Información e presentación de solicitudes poden dirixirse ao Servizo Social Comunitario deste Concello os luns, de 10 a 14 horas, e os martes e venres de 9 a 14 horas.