Nos vindeiros días 2, 3 e 4 de xullo celebraremos en Pontecesures as FESTAS DO CARME 2016. Recórdase novamente a tódolos veciños/as que queiran facer donativos que a conta que este Concello ten aberta na sucursal de ABANCA en Pontecesures para esta finalidade é a seguinte:
ES83 2080 5112 61311000 1726.
Así mesmo, todas as persoas interesadas que queiran participar na procesión-desfile do domingo 3 de xullo poden anotarse nas oficinas do concello ata o mércores 29 de xuño ás 14.00 horas.
O horario de verán da Biblioteca Municipal de Pontecesures dende o 1 de xullo ata o 15 de setembro de 2016 será o seguinte:
DE LUNS A VENRES DE 10.00 A 13.30 HORAS.
No seguinte enlace accédese á web do Fondo Galego de Cooperación e Solidariedade e pódense consultar as bases deste concurso, así como descargar o formulario de solicitude de participación:
Poderán beneficiarse deste plan termal as persoas empadroadas na provincia de Pontevedra que non padezan ningunha enfermidade ou patoloxía incompatible coa actividade do plan e que cumpran algún dos seguintes requisitos:
a) Ser nacidos antes de 1966, feito que deberá acreditar cunha fotocopia do Documento Nacional de Identidade (DNI) ou Número de Identidade de Estranxeiro (NIE) segundo o caso.
b) Ser pensionista, para o que deberán achegar unha fotocopia do certificado correspondente.
c) Precisar dun respiro familiar, o que se acreditará mediante un informe do traballador/a social dos servizos sociais comunitarios básicos.
No caso de parellas que desexen participar no plan xuntos, é preciso que as dúas persoas cumpran os requisitos esixidos nestas bases.
Para máis información e presentación de solicitudes no Servizo Social Comunitario deste concello os luns de 11.00 a 15.00 horas e o martes de venres de 9.00 a 14.00 horas.
Ao abeiro do Programa DEPO R?ARTE 2016 da Deputación de Pontevedra vaise impartir en Pontecesures un curso de 25 horas de GRAFFITI. O curso desenvolveráse dende o luns 1 ata o xoves 11 de agosto, en horario de 11.00 a 14.00 horas no local anexo ao Pavillón Polideportivo (as datas e horarios do curso poden sufrir algunha variación). Os requisitos para participar neste curso son: residir en Pontecesures e ter entre 14 e 30 anos (ambos inclusive) (se hai prazas vacantes poden participar persoas non residentes en Pontecesures e tamén as que non cumpran o requisito da idade).
Os interesados/as en participar neste curso teñen o modelo de solicitude na OMIX (oficina municipal de información xuvenil) na Casa do Concello. O impreso de solicitude acompañarase de fotocopia do DNI, xustificante de empadroamento e autorización de participación (menores de 18 anos). O prazo de inscrición estará aberto ata o 22 de xullo.
