Sin Categoria
AVISO AOS DONOS DE MASCOTAS E ANIMAIS DE COMPA?ÍA: ENVELENAMENTO DE MASCOTAS EN PONTECESURES.
Dende o Concello de Pontecesures informase que se están a producir nos últimos días algúns casos de envelenamento de mascotas nas rúas do noso pobo, polo que dende o concello tense a sospeita de que se están a botar sustancias tóxicas ou veleno por parte dalgún desaprensivo/a.
O Concello de Pontecesures vai tomar as medidas oportunas e necesarias para solucionar esta situación e evitar máis casos de envelenamentos. Asemesmo, recomenda precaución aos propietarios que pasean as súas mascotas polas rúas e que en nengún caso lles deixen comer restos orgánicos ou calquer outra sustancia vertidos na rúa.
Sin Categoria
2º PLAN DE EMPREGO 2015 DA DEPUTACI?N DE PONTEVEDRA NO CONCELLO DE PONTECEUSURES.
O Concello de Pontecesures vai solicitar á Deputación de Pontevedra, a través do 2º Plan de emprego 2015 dese organismo, destinado ós concellos da provincia, unha subvención para a contratación de 20 postos de traballo; sendo contratos en horario a tempo parcial (7 horas/dia) durante os meses de novembro e decembro de 2015.
En concreto, a distribución dos 20 postos que este concello vai solicitar, xunto cos códigos do INEM nos que hai que estar inscritos é a seguinte:
| NOME POSTO | CODIGO CNAE |
| 7 PE?NS DE OBRA P?BLICA | 96011029 |
| 6 AXUDANTES DE XARDINERÍA | 95121019 |
| 4 PERSOAL DE LIMPEZA OU LIMPADOR/A EN XERAL | 92101050. |
| 2 TECNICOS PROTECCION CIVIL | 59991036 |
| 1 ALBANEL | 71211015 |
A selección dos candidatos/as será a través do INEM, e se realizará a finais de outubro, unha vez aprobada a subvención primeiro, para posteriormente o INEM remitirnos ós/ás candidatos/as preseleccionados.
Os requisitos dos aspirantes son que non estean percibindo prestacións, ou que estas sexan para garantir o os recursos económicos mínimos de subsistencia (RAI, RISGA, PREPARA, etc).
Sin Categoria
EDUCACI?N ADULTOS 2015/2016 EN PONTECESURES.
PROGRAMA DE EDUCACI?N DE PERSOAS ADULTAS do Concello de Pontecesures: Programa de formación educativa gratuíto.
1.- Clases presenciais e gratuítas para a obtención do título de graduado en educación secundaria –GRADUADO ESO– para maiores de 18 anos, por cursos ou ben accedendo ás probas libres nas dúas convocatorias (maio e setembro) podendo obter a titulación nun só día mediante exames tipo test.
2.- Clases presenciais e gratuítas para a preparación para o acceso a CICLO MEDIO, con exames nun só día en formato tipo test.
Para as persoas adultas, este título é un obxectivo importante desde o punto de vista de conseguir un emprego. Entre outras cousas, é condición indispensable para acceder a postos de traballo convocados polas administracións públicas e empresas privadas.
Estas probas son convocadas pola Consellería de Cultura, Educación e Ordenación Universitaria. O Programa de Educación de Adult@s do Concello de Pontecesures está en coordinación cos centros de ensinanza a distancia.
O horario é de luns a xoves de 18.30 h. a 21.30 h. (o horario pódese modificar dependendo das circunstancias do alumnado).
A impartición das clases son no colexio CPI de Pontecesures.
Para máis información acudir á Concellería de Educación do Concello de Pontecesures ou á Oficina do Técnico de emprego.