Descarga o boletín premendo no seguinte enlace:
Sin Categoria
Rematan as obras da calefacción do C.P.I. Pontecesures
Onte remataron as obras de reparación e mellora da calefacción do C.P.I. Pontecesures. Lembramos que cun orzamento de 58.000 euros acometéronse tres tipos de intervencións: reforma da sala de caldeiras e revisión da cheminea e caldeira, a renovación das tubarías de distribución e do sistema hidráulico, e revisión do depósito.
Representantes da Consellería de Educación e da empresa adxudicataria das obras reuníronse con persoal do Concello, do colexio e da empresa encargada do mantemento, para explicarlles o funcionamento do novo sistema de calefacción do C.P.I. Pontecesures.
O Concello de Pontecesures quere agradecer á Consellería de Educación o investimento realizado e felicitar á empresa polo bo remate das obras, que sen dúbida, permitirán o ensino en mellores condicións e desde logo, un considerable aforro no gasto enerxético do centro.
Sin Categoria
Actividade de animación á lectura na Biblioteca Municipal.
Mañá mércores 25 de abril, ás 17 horas, na Biblioteca Pública Municipal de Pontecesures, levarase a cabo a actividade de animación á lectura ??HIP-HOP / Poema pop? con Juan Carlos Vázquez Otero, destinada ao alumnado de 3º e 4º de E.S.O. do CPI Pontecesures. ??HIP-HOP / Poema Pop? é un obradoiro de creatividade en torno á música, pintura e poesía.
Esta actividade, realizada con motivo do programa ??Abril, mes dos libros? , enmárcase no programa Letras Vivas, subvencionado pola Consellería de Cultura, Educación e Ordenación Universitaria.
Sin Categoria
Programa BENESTAR EN BALNEARIOS 2012 da Xunta de Galicia.
Descarga das bases deste programa, listado de balnearios, quendas e prezos no seguinte enlace:
Concello
O Consello da Xunta aproba o cambio de titularidade da Rúa Diputación
No día de hoxe o Consello da Xunta aprobou o cambio de titularidade da rúa Diputación á prol do Concello.
No seguinte enlace da rolda de prensa posterior, feita polo Presidente da Xunta, mencionase no minuto 3 e 52 segundos (3:52)
Concello
Traballos semanais realizados pola brigada de obras do Concello de Pontecesures.
Nesta semana a brigada de obras do Concello realizou as seguintes tarefas:
1) Limpeza e desbroce na zona do peirao, no caleixón paralelo á rúa Patifas, na rúa Víctor García, na rúa Agro do Muíño, nos xardíns da E.D.A.R., no parque infantil Vicente Moure e na senda verde de acceso ó colexio entre o paso elevado e o «Miradoiro do Pino Manso».
2) Colocación dunha caixa de contadores no depósito de bombeo da Barca.
3) Recollida do palco prestado ó Concello de Padrón con motivo do concerto benéfico en favor de Paula.
4) Reparación das avarías de augas na rúa Redondo e na rúa do Campo.
5) Colocación de plaqueta e azulexos, construción e encintado dun tabique no comedor escolar.
6) Descobrir e conectar tuberías para conexión de auga sanitaria e construción de arquetas na zona da Tarroeira.
7) Pintado das varandas do pavillón polideportivo.