Sin Categoria
Concurso fotográfico do Fondo Galego de Cooperación e Solidariedade «Imaxes con Fondo».
No seguinte enlace podense descargar as bases deste concurso.
http://www.fondogalego.org/web/imaxes_con_fondo
Sin Categoria
Convocatoria para interesados/as en participar na organización das Festas do Carme 2012.
Convócase a tódolos veciños e veciñas de Pontecesures interesados/as en colaborar na organización das FESTAS DO CARME 2012 para anotarse nas oficinas municipais ou no télefono do concello 986 557 125. O prazo para anotarse é ata o 27 de abril, posteriormente no mes de maio convocaráse a tódolos anotados/as para unha xuntanza na que se tratará a organización destas festas.
Concello
Retranqueo dun poste de Telefónica na Rúa Caldeirón de Arriba
Despois das xestións realizadas polo equipo de goberno coa empresa Telefónica, no día de hoxe operarios da mesma están a retranquear un poste, que por mor das obras de remodelación en Caldeirón de Arriba quedara no medio da rúa.
Sin Categoria
Actividade de animación á lectura na Biblioteca Municipal.
O vindeiro mércores 11 de abril, ás 12 horas, na Biblioteca Pública Municipal de Pontecesures, levarase a cabo a actividade de animación á lectura ??Kontos de akí e de akolá? con Marisa Irimia, destinada ao alumnado de 1º, 2º e 3º de Educación Infantil do CPI Pontecesures.
Esta actividade, realizada con motivo do programa ??Abril, mes dos libros? , enmárcase no programa Letras Vivas Animación, subvencionado pola Consellería de Cultura, Educación e Ordenación Universitaria.
Sin Categoria
O proxecto de formación de persoas adultas do Concello de Pontecesures acada a máxima subvención da Consellería de Educación por ser un dos mellor valorados.
O Proxecto de Formación de persoas adultas do Concello de Pontecesures, entre os mellor valorados, acada a subvención máxima da Consellería de Cultura, Educación e Ordenación Universitaria
A Subdirección Xeral de Aprendizaxe Permanente e Ensinanzas de Réxime Especial fixo pública a proposta de Resolución das Subvencións para a realización de actividades de formación de adultos durante o ano 2012
Os cursos de Educación de persoas adultas que organiza o Concello de Pontecesures desde o ano 1995 contan cun elevado número de participantes e cun moi elevado índice de aprobados. A avaliación do proxecto presentado polo Concello na actual convocatoria obtivo 87 puntos -figurando no nº 13 das 51 propostas- o que lle outorga a subvención máxima establecida na convocatoria, 6.000?. O actual curso 2011/2012 iniciouse con 27 alumnos e alumnas, a maioría do noso Concello, o pasado mes de setembro, asumindo o Concello os custos deste primeiro cuadrimestre, cuxa realización permite que o alumnado de Pontecesures obteña tan bos resultados nas probas (a media de aprobados dos últimos anos é dun 80% entre os alumnos propostos para as probas oficiais) xunto coa calidade profesional e dedicación da mestra que imparte as clases.
A Actividade formativa dirixida ás persoas adultas para a preparación das probas de obtención do título de graduado en Educación Secundaria mediante a presentación ás probas extraordinarias que convoca anualmente a Dirección Xeral de Educación, Formación Profesional e Innovación Educativa mediante a matriculación do alumnado na modalidade a distancia da Educación Secundaria de persoas Adultas realízase en coordinación co centro de Educación Permanente de Adultos de Pontevedra.
O Concelleiro delegado da área e Alcalde en funcións Roque Araujo quixo, así mesmo desexar sorte aos alumnos e alumnas que na vindeira semana concorren ás probas oficiais, e lembrou a importancia e interese desta actividade que permite acadar a titulación educativa básica, imprescindible para a inserción laboral, a aqueles veciños e veciñas que, por diversos motivos carecen da mesma.