No día de hoxe a empresa CCS, subcontratada por Gas Natural, comezou co paso do topo por debaixo da vía, para poder enlazar as tuberías da Avda dos Namorados coas que se instalarán na Rúa Fontaíña.
A realización dista obra provocará o corte da Rúa Fontaíña por uns días.
Dende o Equipo de goberno queremos pedir disculpas ós veciños afectados polas obras agradecendo a súa comprensión.
Operarios da Xunta están a levantar as arquetas soterradas na Avda de Arousa.
No día de hoxe operarios de Fomento comezaron as obras de arranxo do paso elevado na Avda de Vigo.
Tal e como se lle pedira no seu día a Fomento a obra consistirá no cambio da varanda en mal estado e no arranxo dos chanzos danados.
O Concello de Pontecesures invita a maiores e pequenos a participar no Concurso de Disfraces que terá lugar o 19 de febreiro de 2012. As 16.30 horas todos os participantes deberán estar na rúa Portarraxoi (esquina Rúa Ullán), dende onde sairá ás 17.30 h. o Desfile de Entroido, que pasará pola rúa San Lois, Travesía da Estación, rúa Rosalía de Castro, rúa Sagasta e rematará na Prazuela.
O Xurado acompañará o desfile para ter tempo de valorar ós participantes. O percorrido poderá sufrir modificacións, notificándollo antes da saída ós participantes.
Bases:
As inscricións de grupos poderán realizarse ata as 14.00 horas do venres 17 de febreiro nas Oficinas do Concello. O resto de participantes poderá anotarse tamén no mesmo día do concurso, das 16 h. ata as 17 h. A partir das 17 h. péchase o prazo de inscrición.
Este ano o Concello de Pontecesures repartirá un total de 1.945 ? en premios. Ca novidade de que o grupo ou comparsa gañadora levará un premio de 600 ?.
No seguinte enlace pódense consultar as bases completas do Entroido 2012 do Concello de Pontecesures:
http://pontecesures.org/vernoticia.asp?id=291
