CONCELLO DE PONTECESURES

Información para consultas e modificación de datos no padrón municipal de habitantes.

Información ós/ás veciños/as sobre o contido dos seus datos padroais

Aprobada, por Resolución da Alcaldía de data 16/09/2011, a revisión dos datos padroais deste municipio,  notifícase colectivamente que, a efectos da información ós/ás veciños/as polo menos unha vez cada cinco anos sobre o contido dos seus datos padroais que establece o artigo 69.3 do Regulamento de Poboación e Demarcación Territorial das Entidades Locais, na súa redacción dada polo Real Decreto 2612/1996, de 20 de decembro, a partires de hoxe e ata o día 31 de decembro de 2011,  os/as veciños/as poderán consultar nas oficinas municipais e sempre persoalmente, os seus datos persoais.

Transcorrido este prazo o Concello dará por cumprida a obriga, lembrando, sen embargo, que nas oficinas municipais do Padrón de Habitantes, os veciños/as sempre poderán consultar e modificar se fose preciso, so seus datos padroais persoais.

 

Por CONCELLO DE PONTECESURES, hace

Excursión a Lira organizada polo Concello de Pontecesures.

O Concello de Pontecesures está a organizar unha excusión a Lira para  o vindeiro luns 3 de outubro aberta a tódolos/as veciños/as de Pontecesures. Para anotarse, nas Oficinas Centrais do Concello, ábrese o prazo o venres 23 de setembro, por rigoroso orde de inscrición para 50 prazas.

A viaxe terá as seguintes actividades e horarios:

–         Saida dende Pontecesures ás 8 da mañá dende o Coche de Pedra.

–         Ás 10 da mañá, subasta simulada na lonxa de Lira.

–         Ás 10.30 h. visita guiada á zona de marisqueo do percebe.

–         Ás 13 h. xantar a base de productos galegos.

–         Ás 16.30 h. visita á ??Casa do Pepe do Cuco?, casa mariñeira con exposicións e material relacionado co mundo do mar.

–         Sobre as 17.30 h. regreso cara Pontecesures.

–         Chegada prevista sobre as 19.30 h.

Dende o Concello de Pontecesures anímamos á cidadanía a participar nesta interesante actividade, totalmente gratuíta, ó ser subvencionada polo Programa ??Mar Achega? da Consellería do Mar. Neste programa trátase de mostrar o modo de vida das vilas mariñeiras.

 

Por CONCELLO DE PONTECESURES, hace

Xornada de limpeza simultánea de ríos o domingo 2 de outubro.

PROGRAMA DE CUSTODIA FLUVIAL ULLA-UMIA-LEREZ

En colaboración con ADEGA ??Asociación para a Defensa Ecolóxica de Galiza- O Concello de Pontecesures está o organizar unha xornada de limpeza dunha pequena marxe do río Ulla. Trátase dunha iniciativa de participación, educación e voluntariado ambiental promovida por ADEGA coa finalidade de fomentar iniciativas de custodia do territorio que permitan á cidadanía a conservación e mellora dos nosos ríos. Esta actividade está enmarcada na IV LIMPEZA SIMULTÁNEA DE RÍOS pola cal no domingo 2 de outubro en varios lugares de Galiza se organizarán xornadas de limpeza similares.

Esta actividade lévase a cabo con voluntarios polo que se convoca á xente interesada en participar para que se anote no Concello chamando ao teléfono 986 564 410 (luns a venres de 9.00 a 14.00 h.). Faráse un grupo cun máximo de 15 persoas que téñen que ser maiores de 18 anos.

A xornada de limpeza será, polo tanto, o domingo 2 de outubro de 11.30 a 13.30 h..  A xente anotada convocaráse para sair ás 11.30 dende a estación depuradora de augas residuais no baradero grande do final do muelle. ? recomendable que os participantes veñan equipados con luvas e botas de auga.

Ao remate da xornada, ás 13.30 h., para repoñer forzas convidaráse a tódolos participantes a tomar un pincho e bebida nun establecemento hostaleiro do pobo.

Máis información no espazo web de ADEGA:

http://limpeza.proxectorios.org/

Por CONCELLO DE PONTECESURES, hace

Teatro en Pontecesures «Contos coas mans abertas».

 

 

A compañía de teatro A Tropa de Trapo porá en escena o espectáculo «Contos coas mans abertas», dirixido a público adolescente e adulto. Esta proposta baséase en pezas narradas a dúas voces, cun acompañamento de guitarra e laúde arabe que convida á reflexión.

CONTOS COAS MANS ABERTAS recopila historias reais, humanas e sinceras. Mulleres dunha aldea galega que aprenden a andar en bicicleta, cooperantes, guerrilleiros sandinistas, vacas, inmigrantes do Magreb e unha tribu de bosquimanos… todo misturado cun ritmo entretido, cercano e emocionante. Sempre aliñado cun pouco de retranca, misterio e ilusión… e o ritmo da música en directo. Un espectáculo cheo de esperanza, de humor, de amor, de pequenas loitas posibles e de grandes soños no horizonte. Contos para mellorar o mundo, para entendelo mellor, para traballar por el. Sempre coas nosas mans, as que temos, as que tanto valen : as nosas mans abertas.

VENRES 23 DE SETEMBRO – 21.00 HORAS – CENTRO SOCIAL.

 

 

Por CONCELLO DE PONTECESURES, hace

Excursión á Feira Internacional de Turismo Termal «Termatalia 2011» do Concello de Pontecesures.

 

O Concello de Pontecesures está o organizar unha viaxe á Feira Internacional de Turismo Termal TERMATALIA 2011 para o vindeiro domingo 25 de setembro. A viaxe inclue:

  • Viaxe de ida e volta en autobús.
  • Entrada á feira.
  • Visita guiada á feira.
  • Visita turística á cidade de Ourense, percorrendo o casco histórico e as termas.
  • Xantar nun restaurante da cidade de Ourense.

Saída dende o Coche de Pedra (Rúa San Lois) ás 9.00 da mañá e chegada estimada ás 21.00 da noite.

Esta excursión está aberta a todos/as os/as veciños/as de Pontecesures, habendo 50 prazas dispoñibles.

O prezo por persoa é de 10 ?.

A inscrición faráse nas oficinas centrais do concello, entregando no momento os 10 ? da cota de inscrición.

O prazo de inscrición é dende o 14 ata o 20 de setembro.

As prazas para esta viaxe asignaránse por rigoroso orde de inscrición.

 

Por CONCELLO DE PONTECESURES, hace