O Concello de Pontecesures ven de rematar as seguintes obras:
Melloras nas redes de Saneamento e Abastecemento
A obra consistiu na mellora nas redes de Saneamento e abastecemento en distintas rúas do Concello, en concreto: Avenida de Vigo, Rúa Carlos Maside, Rúa Ullán e Rúa Raimundo García Domínguez “Borobó”.
A obra foi contratada á empresa Construcciones Caldevergazo S.L. por un importe de 48.791,12€, dos que 45.735,74€ foron financiados a través do Plan Concellos 2018 da Deputación de Pontevedra e 3.055,38€ con fondos propios do Concello de Pontecesures.
Subministro de Mobiliario para a Praza do Coche de Pedra
Para mellorar non só a imaxe da praza, senón tamén e sobre todo a súa funcionalidade, dotouse de novos bancos, de maiores dimensións, de deseño máis acorde co entorno co uso (coa posibilidade de ser usados non só por un dos lados); de novas papeleiras máis funcionais e estéticas; de aparca – bicicletas que mellore o uso da praza e favoreza a mobilidade non motorizada no centro urbano; e de un punto de recarga de teléfonos móbiles, que tamén favoreza o uso da praza como espazo de estancia e relación.
En concreto, instaláronse tres bancos, dúas papeleiras, tres módulos de aparca – bicicletas, e un punto de recarga.
O subministro do Mobiliario foi contratado á empresa Electricidad y Contratas Edison Galicia SL por un importe de 11.260,26€ financiados a través da reinversión da baixa da obra “Mellora da Eficiencia Enerxética do Alumeado Público” do Plan Concellos 2018da Deputación de Pontevedra.
As súas Maxestades déronse presa ….¡¡¡. A carón do árbore de Nadal dentro da Casa do Concello xa apareceron esta mañá os regalos que os Reis habían comprometido para as nenas e nenos de Pontecesures.Xa están sendo trasladados e custodiados polos Municipais ata as oficinas de Correos de Pontecesures para que comece o seu reparto.Con este xeito tan excepcional de facer chegar os xoguetes este ano por mor da pandemia vai a ocorrer que algún dos sobres cos regalos cheguen antes do día 5 de Xaneiro, xa que, como dixemos, o reparto este ano farao o persoal de Correos e non Melchor, Gaspar e Baltasar por estar respectando os protocolos COVID.¡¡¡ Disfrutade dos regalos… e sentidiño…. !!!
Esta mañá o Alcalde de Pontecesures mantivo unha video conferencia coas súas Maxestades os Reis Melchor, Gaspar e Baltasar para interesarse cómo están pasando as festas e programar este próximo día de Reis.
Como todos sabedes esta situación epidemiolóxica está a converter unhas festas entrañables como o Nadal e Reis nun período un tanto extrano, obrigando a tomar medidas que eviten no posible as aglomeracións de xente e obligando a extremar as medidas de seguridade.
É por tanto que este ano acordamos coas súas Maxestades que os regalos para todas as nenas e nenos de Pontecesures serán deixados na Casa do Concello e será éste quen se encargue de facerllos chegar.
De este xeito evitaremos situacións de risco para toda a veciñanza e faremos chegar os xoguetes que as súas Maxestades nos deixen a cada neno e nena de Pontecesures.
Martina López Doce, gañadora do I Concurso de Postais de Nadal, recibiu hoxe, de mans do alcalde, o premio consistente nun vale de 60€ para trocar nos establecementos comerciais de Pontecesures. O deseño galardonado será reproducido en forma de tarxeta navideña para felicitar as festas a toda a veciñanza.
