A Consellería de Traballo e Benestar, ven de comunicar ao Concello de
Pontecesures a concesión dunha subvención de 113.166,48 euros para
a contratación de 10 desempregados por período de 7 meses de acordo coas peticións seguintes:
-“Atención ao cidadán”. Dous auxiliares administrativos a xornada completa (Un para a biblioteca e outro para as oficinas xerais).
-“Mantemento e limpeza de instalacións e locais do concello”. Catro peóns e dous limpadores a tempo total.
-“Reforzo do serizo de seguridade”. Dous técnicos en protección civil a xornada completa,
O luns, 23 de maio serán presentadas as ofertas de emprego na oficina de Vilagarcía. Logo dende dita oficina enviarase ao concello a relación de preseleccionados e un tribunal formado por persoal do concello procederá á selección definitiva.
Os interesados poden informarse sobre estas contratacións (requisitos,
actualización da tarxeta de demandante de emprego, criterios de preselección ou selección no seu caso, etc…) tanto na oficina de emprego de Vilagarcía como na oficina do técnico de emprego na Casa do concello de Pontecesures (986/564403).
