A penosa programación de Nadal do Concello de Pontecesures non podía ter outro colofón: a Cabalgata de Reis (ou máis oportunamente, Andaina de Reis), non nos defraudou en absoluto. Para os que sospetaibamos da improvisación e a desidia como pautas do actual equipo de goberno con todo o relacionado coas actividades culturais, o resultado da programación de Nadal non puido ser máis triste.
Non negamos que a chegada dos Reis polo río era un bo arranque para a Cabalgata, pero o que é imperdoable é a eliminación do recorrido en carrozas polas rúas do pobo. Un acto que era do agrado de toda a veciñanza , dos comerciantes e hostaleiros do pobo, e en especial, dos nenos e nenas da vila. Esa Cabalgata, que xa era unha tradición neste pobo, foi sustituida por un paseíño desganado e desordenado ata a Plazuela.
Só hai unha explicación ao sucedido: a desidia e o pouco esforzo adicado a esta actividade. Non era unha cuestión de presupuesto, só de traballo e interese polo pobo.
Concello
NOTA DE PRENSA INTEGRA DOS REPRESENTANTES SINDICAIS DO CONCELLO DE PONTECESURES
O persoal do Concello de Pontecesures estuda un calendario de mobilizacións en demanda cumprimento da legalidade e da aprobación da Relación de Postos de Traballo (RPT)
Despois de varios meses agardando pola avaliación da situación organizativa e retributiva do persoal que se comprometeu a acometer o novo executivo xurdido da Moción de Censura e de diversas reunións, o pasado martes, o alcalde Juan Manuel Vidal Seage, deu unha resposta: a RPT que foi aprobada na Mesa de Negociación e que contou co apio unánime da totalidade do persoal e das organizacións sindicais NON lle vale. Indicou estar disposto a elaborar unha nova RPT para o persoal funcionario do concello (6 persoas), e para o persoal laboral fixo (2 persoas), considerando que o resto do persoal laboral ??indefinido? (18 persoas) non debe entrar nesa RPT.
Cabe dicir que a RPT que foi rexeitada no pleno do pasado 25 de xaneiro de 2016 polos Grupos Políticos que agora constitúen o Equipo de Goberno levaba daquela mais dun ano en elaboración e custou case 6.000 ? ás arcas municipais, incluía a totalidade do persoal estrutural municipal, tal coma recolle a Lei do Emprego Público de Galicia; e prevía o inicio da aplicación económica neste exercicio de 2016.
Na asemblea do persoal municipal, convocada previamente para o mesmo martes, á que acudiu a maior parte do plantel municipal, deuse conta da resposta negativa a dotar ao Concello dunha RPT que cumpra a legalidade, o que orixinou MALESTAR E DECEPCI?N por parte dos presentes, por 3 motivos fundamentais:
– Das reunións mantidas co actual equipo de goberno ata a data, traducíase que se ía estudar o problema da organización e retribución do persoal ao servizo do concello, manifestando en varias ocasións que a oposición á aprobación da RPT o pasado xaneiro obedecía mais a unha falta de coñecemento da RPT e da situación do persoal, cá non compartir a necesidade de dotar ao concello dunha RPT e corrixir situacións discriminatorias. Sentímonos enganados.
– Quedou constatado que se usou a negociación salarial coa anterior alcaldesa para realizar unha moción de censura, xogando cos salarios que perciben os traballadores, moi por debaixo dos tempos actuais que corren (hai persoal cobrando menos de 800 ?, logo de estar na empresa mais de 10 anos). Pontecesures non ten Orzamento Municipal en 2016. Fomos utilizados.
– Vemos que non existe vontade de solucionar este tema dun xeito aceptable por ambas partes. E máis, parece que imos para atrás. O argumento de que non poden entrar o persoal laboral indefinido ou temporal non foi motivo para asinar RPTs noutros concellos (ultimamente Meis), ou incluso ter que corrixir esas ??discriminacións? coma lle acaba de pasar ó concello de Lalín (38 persoas que foran excluídas por non ser laborais fixos, agora teñen que incluírse na RPT). Cando a maioría de concellos xa van pola segunda o terceira modificación da RPT, Pontecesures aínda continúa no século pasado sen o instrumento básico da organización do seu persoal. Rexeitamos a inxustiza e o atraso.
Nas próximas semanas acordaremos e faremos público o calendario de Mobilizacións.
Como empregadas e empregados públicos queremos unha administración pública moderna e eficiente; rexeitamos as privatizacións (que xa sabemos a que levan), non renunciamos a que as veciñas e veciños de Pontecesures conten cuns servizos municipais públicos de calidade, eficientes, ben organizados e a que no Concello de Pontecesures se cumpra a legalidade. Esiximos que se nos trate con xustiza e respecto.
As e os delegados sindicais.
Pontecesures 02 de decembro de 2016.
Concello
OBRAS EN PONTECESURES
Nesta semana deron comezo as obras seguintes:
- Obra de conservación e mellora de 2 edificios municipais.
O Concello de Pontecesures pretende levar a cabo unha actuación de conservación e mellora en dous edificios de titularidade municipal. Trátase, en concreto, de mellorar as condicións de uso e a eficiencia enerxética do pavillón de deportes municipal e o denominado club xuvenil.
No club xuvenil prevese instalar unha calefacción, conectada á caldeira da biblioteca municipal, e no pavillón de deportes, renovar o tratamento superficial da pista deportiva e substituír a porta de entra principal ao edificio.
No Clube Xuvenil procederase a conectar a caldeira no semisoto da biblioteca co edificio do Club Xuvenil mediante tubería de cobre illada, pasada polo interior dun tubo soterrado existente. Xa no interior do edificio, instalaranse uns radiadores de aluminio, conectados mediante tubería de cobre á vista. O sistema impulsarase cunha pequena bomba situada á saída da caldeira, e controlada mediante un termóstato programable.
No pavillón procederase a aplicar un novo tratamento superficial da pista deportiva, mediante unha laca incolora
antideslizante. Previamente deberá eliminarse as pinturas e a laca actual, e volver a pintar as delimitacións dos campos de deportes. Asemade, substituirase a actual porta de chapa do acceso principal ao pavillón por unha dobre porta de chapa dobre, con sistema de apertura mediante barras anti-pánico.
Esta obra foi financiada pola Deputación de Pontevedra en base as baixas do POS 2015 cun importe de 12.190,00?.
- Instalación de nichos no Cemiterio Municipal
Á vista da demanda existente, o Concello de Pontecesures pretende levar a cabo unha actuación de instalación de novos nichos no cemiterio municipal. A obra consistirá na execución dunha estrutura ou carcasa perimetral, formada por uns muros de formigón
armado, coloreado e con diversas texturas superficiais, dentro da cal se irán instalando módulos de 12, 16, 20 o 24 nichos prefabricados, delimitados por muros in situ de formigón armado nos laterais, e de bloque de formigón na parte posterior, deixando nesta a preceptiva cámara de ventilación e de recollida de lixiviados. Na presente fase instalaranse 48 nichos, en módulos de 16, 12 e 20.
Ademais do anterior, executarase diante dos novos nichos un camiño de grava, cun tubo de drenaxe enterrado que permita evacuar as pluviais, e, ao final do camiño, un alcorque para a plantación dun magnolio, así como un surtidor de auga conectado a mangueira existente nesa zona.
Esta obra foi financiada pola Deputación de Pontevedra en base o POS 2015 cun importe de 44.913,23?.
Ademais en breve procederase á adxudicación da OBRA DE REFORMA E MELLORA NO SISTEMA DE DEPURACI?N E DISTRIBUCI?N DA REDE DE ABASTECEMENTO DE AUGA POTABLE financiada pola Deputación de Pontevedra a través do Plan Concellos 2016 por un importe de 76.434,76?
Tamén a través do Plan Concellos 2016 se abonaron 4 mensualidades do canon de prestación do servicio de recollida e tratamento de residuos sólidos urbanos ó ente Mancomunidade de Concellos Serra do Barbanza por un importe de 47.963,32?
Concello
NOTA INTEGRA DA CONTESTACION ? SR. SEAGE POR PARTE DOS DELEGADOS SINDICAIS DO CONCELLO DE PONTECESURES
Pontecesures, 20 de xuño de 2016.
En relación ás declaracións efectuadas esta pasada fin de semana polo alcalde de Pontecesures, Juan Manuel Vidal Seage nun medio escrito, os representantes sindicais deste concello queremos apuntar o seguinte:
1º.- Solucionar o ??problema? da RPT está o alcance do alcalde: Leve ó pleno e voten a favor a RPT que o concello de Pontecesures elaborou en 2015, e para a que se contrataron os servizos dunha empresa independente, polos que pagou o concello de Pontecesures case 6000 ? para redactar dito documento. Trala elaboración da RPT quedou plasmado algo que os sindicatos e os propios traballadores temos constatado: os salarios en Pontecesures están desfasados para os tempos nos que estamos, ó ser estes moi baixos en relación ó que se cobra noutros concellos de similar categoría. E a aprobación da RPT e a maneira legal para conseguir que os traballadores teñan uns salarios xustos. Polo tanto trátase de ??vontade política? querer aprobar a RPT para acadar unha ??xustiza salarial?. De datos, subidas, porcentaxes, etc teremos tempo de falar.
2º.-Di o sr. Seage de que vai afrontar esta situación dende unha estratexia de ??cocción a lume lento?. Coma ben sabe, moitas veces dilatar os conflitos fan que estes se enquisten, e non so non se avance na súa resolución, senón que as tensións sexan maiores. Tendo en conta que o concello contratou a elaboración da RPT hai 18 meses ??o arroz está mais que pasado?. A non ser que esa estratexia de dilatar esta negociación e posterior mellora salarial busque o de ??divide e vencerás? entre os traballadores.
3.- Xa fixo vde. bastante política cos salarios dos traballadores. Xa se dixeron moitas ??medias verdades?. E os traballadores/as seguen demostrando a súa profesionalidade coma sempre no desempeño doas súas tarefas. E de paso esperando que se afronte dunha vez as súas retribucións en función á categoría que cada quen ten. O demais son ??brindis ó sol?…
Os delegados sindicais.
Raquel López Doce ?? Delegada CIG do persoal laboral do concello de Pontecesures.
Luz Mª Freiría Caldelas ?? Delegada UXT do persoal laboral do concello de Pontecesures.
José Rodriguez Fructuoso – Delegado UXT do persoal laboral do concello de Pontecesures.
Ricardo Campos Saborido ?? Delegado CCOO persoal funcionario do concello de Pontecesures.
Concello
XA TEMOS GA?ADORES NO CONCURSO DAS TAPAS DE MATANZA
Efectuado hoxe ó mediodia o sorteo dunha cesta de productos típicos ??da matanza? entre todos/as os/as participantes no concurso ??Tapas de Matanza? que depositaron o boleto nalgun dos establecementos hostaleiros, resultou gañadora SANDRA IGLESIAS ESPADAS.
Asimesmo, no reconto de votos emitidos para saber que establecemnto saiu elixido coa tapa gañadora, Amadou o maior número de votos, sendo polo tanto o gañador, a GASOLINERA A PALMEIRA.
O listado de votos foi o seguinte:
1º.- A Palmeira 14 votos
2.º- Casa Chaves 12 ?
3º.- Banhoff 5 ?
4º.- Pizzeria Bambino 4 ??
5º.- Isidro 4 ?
6º.- O Meco 3 ?
7º.- Café Bar Mambís 1 ?
8º.- Nu-2 1 ??
9º.- Carabela 1 ??
Contabilizáronse tamén 3 votos nulos.
A última hora da mañá e hoxe os premiados pasaron a recoller os premios.
Sandra recolleu seu premio, unha cesta de productos da matanza de mans d alcaldesa, Cecilia Tarela.
José, o encargado da gasoliñeira A Palmeira, recolleu de mans do concelleiro de promoción económica Roque Araujo, o diploma acreditativo de ter gañado o concurso de tapas.
Foto dos premiados na edicion de 2015.