Bastante público tivemos hoxe pola mañá na Plazuela neste acto, no que tamén estivo un Carteiro Real para levar as cartas dos nenos cesureños a Oriente xa que os Reis Magos chegarán o día 5 de xaneiro.
O tempo axudou, e a música animou aos asistentes. Foron repartidas máis de 250 bolsas con uvas, máis de 300 con conguitos (brancos e negros), e tamén máis de 300 bolsas con cotillón.
Como novidade hai que dicir que este ano a campá da igrexa para as badaladas foi activada manualmente polo señor Nelo, o sacristán. Estivo moi ben, marcando con tempo cada badalada para levar á boca as uvas e os conguitos. Con ledicia e con bombas de palenque foi despedido o ano vello, e recibido o novo.
Foron sorteados tamén 22 agasallos para os nenos.
Concello
