Concello

O equipo de Goberno do Concello de Pontecesures pretende levar a cabo unha actuación de ampliación e mellora en cinco camiños municipais, actuacións necesarias para mellorar o funcionamento e a seguridade dos viais sobre os que se vai actuar, mediante a presentación dun anteproyecto dentro do Plan marco do AGADER, �??Programa de melloras de camiños de titularidade municipal�?�.

As obras consistirán na mellora do firme e na ampliación da sección viaria de cinco camiños, naquelas zonas onde máis necesidade exista polo estado actual dos pavimentos.

As zonas de actuación son as seguintes:

1)    Rúa Forneiras- Curva

Prevese ampliar a anchura da zona pavimentada, nunha franxa de 1 metro por 28 metros de largo, no interior da curva. Deprazarase a cuneta existente cara o interior.

Con esta actuación preténdese mellorar a seguridade nunha curva onde o largo actual do vial resulta perigoso para o cruzamento de vehículos.

2)    Rúa Forneiras- Tramo Inicial

Colocarase unha canalización de PVC, �? 315 mm, duns 12 metros de lonxitude. Sobre eses 12 metros completarase o asfaltado actual do camiño. Nos seguintes 15 metros, asfaltarase unha franxa de 1 x 15 metros, pola marxe este. Colocarase un sumidoiro para recoller as augas pluviais e levalas ata o tubo instalado. O tubo envolverase con formigón.

Con esta actuación tamén se pretende mellorar a seguridade viaria, ampliando o largo do vial, evitando o  risco de accidentes pola proximidade dunha cuneta con bastante fondo (no tramo que se prevé canalizar) e encauzando as augas pluviais para que non discorran polo firme.

3)    O Souto

Prevese aplicar unha nova capa de rodadura, duns 460 m², así como facer un alcorque circular entorno á palmeira existente.

Trátase de mellorar a seguridade do firme, que está moi deteriorado, e ordenar o tráfico e protexer a palmeira que quedou no medio da zona asfaltada dun cruzamento de camiños.

4)    Rúa Fontaíña

Os 160 metros de vial, uns 560 m², pavimentaranse cunha capa de asfalto sobre o formigón actual.

Trátase de mellorar a seguridade e a funcionalidade do vial, dotándoo dunha capa de pavimento asfáltico sobre o actual pavimento de formigón, que está moi deteriorado, con numerosas roturas e sucesivas reposicións das gabias de servizos que se foron abrindo desde fai moitos anos.

5)    Condide

No camiño de Condide, que sirve de acceso ao cemiterio municipal, prevese anchear a súa sección nunha curva pechada onde resulta complico o paso de autobuses, mediante a ampliación do largo do vial polas dúas marxes. Polo lado este será preciso executar un pequeno muro de pedra do país,xa que a parcela cara a que se produce o ancheamento está a unha cota máis alta.

Entre a superficie ampliada e a de reposición do asfalto actual, realizaranse uns 395 m² de asfaltado.

Preténdese mellorar a seguridade e a funcionalidade deste tramo do camiño de Condide, que presenta unha especial dificultade para os autobuses e os coches fúnebres no seu camiño ao cemiterio, debido a que á forte pendente e á curva pronunciada únese o feito de que o pavimento está bastante deteriorado.

6)    Rúa do ensanche

Nun tramo duns 40 metros de lonxitude por 6 de largo (240 m²), aplicarase unha nova capa de asfalto sobre a existente.

Trátase de mellorar a seguridade viaria mediante a reposición dun firme deteriorado.

Ascende o presuposto xeral por contrata (IVE incluído) á cantidade de 37.776,85 �?�.

Dentro da Orde do 30 de abril de 2013 na que se regulaban as subvencións a Concellos de Galicia para revitalizar o comercio de proximidade e potenciar unha rede galega de mercado de abastos excelente, o Conselleiro de economía e Industria ven de concederlle ó Concello de Pontecesures unha subvención para �??Reparación no Mercado de Abastos Municipal�?� por un importe de 11.616�?� dos que o 75% serán aportados pola Consellería (8.712�?�) e o restante 25% polo Concello (2.904�?�).

Descripción das obras previstas:

Previo apuntalamento das cerchas interiores, procederase a substituir os tirante metálicos por cables de aceiro de 20 mm con reguladores que permitan controlar a súa tensión tanto no momento da instalación como nas revisións periódicas que se deberán realizar. Renovaranse tamén os elementos auxiliares de unión (placas, ganchos,�?�)

Para reparar e asegurar a cercha exterior de madeira prevese colocar un pilar metálico (doble U) no seu extremo norte, e un casquillo de aceiro para reforzar a viga deteriorada.