1) Experiencia profesional. Máximo 4 puntos en total.
Valoraranse traballos nas diferentes administracións públicas e tamén en empresas privadas coma limpador/a. A puntuación otorgarase por meses efectivos de traballo a xornada completa. As contratacións a tempo parcial ratearanse segundo corresponda e o resto dos días soltos sumarán meses se acadan o número de 30.
As puntuación serán:
-Experiencia na administración pública: 0,25 puntos/mes.
-Experiencia na empresa privada: 0,15 puntos/mes
2) Situación familiar/persoal.
-Muller: 0,50 puntos.
-Parado de longa duración (máis de 12 meses sen perder a antigüidade coma demandante de emprego): 0,50 puntos.
-Familia monoparental por cada fillo menor de 16 anos a cargo: 0,50 puntos.
-Familia con cargas compartidas: por cada fillo menos de 16 anos a cargo: 0,25 puntos.
-Familia monoparental por cada fillo de entre 16 e 26 anos que conviva na unidade familiar: 0,25 puntos.
-Familia con cargas compartidas: por cada fillo de entre 16 e 26 anos a cargo: 0,15 puntos.
3) Situación económica da unidade familiar.
Para as valoracións da situación económica (sen ingresos, cobrando prestacións de desemprego ou subsidios, etc…) deberase acompañar á solicitude as copias da documentación que se estime oportuno.
A situación familiar valorarase, no caso de fillos menores de 16 anos, cun certificado de convivencia que se solicitará nas oficinas do concello, e no caso dos maiores de 16 anos, ademais do certificado de convivencia, da tarxeta de desemprego do INEM se no está a traballar, ou un certificado de estudos se está matriculado nalgún curso do ensino oficial.
4) Entrevista persoal.
Os candidatos/as que, unha vez valorados os méritos, teñan posibilidade de ser seleccionados para o posto ofertado, realizarán unha entrevista persoal que versará sobre as tarefas a desnvolver no posto de limpador/a.
A tal efecto, serán citados telefónicamente logo de publicarse a lista de valoración de méritos, onde asemade aparecerán os candidatos que se deben presentar á entrevista da que se fixará data e hora polo tribunal seleccionador.