Concello

Deficiencias nas obras de canalización do gas na Avda. de Vigo.

O sábado día 2 de setembro este concelleiro da ACP comunicoulle á alcaldesa en funcións Maribel Castro que a empresa que está a facer as canalizacións do gas na Avda. de Vigo ó repoñer as lousas da beirarrúa soltou pola estrada, preto do bordillo, gran cantidade de auga con cemento. Agora apreciase o cemento no firme e ademais en algún sumidoiro de pluviais. Púdose provocar algunha obstrucción das tubarías de saneamento.

O sucedido considérase unha «chapuza» consentida pola nula vixianza municipal.

Solicitouse así a adopción das medidas para que se proceda á limpeza da vía pública e dos sumidoiros por parte da empresa.

Por Luis Angel Sabariz Rolán, hace

La ACP critica que o goberno municipal non convidase á oposición ós actos de potenciación da Ruta Xacobea Mar de Arousa-Ulla

As 13.35 horas do día 2 de setembro atracou nunha rampla do peirao, co alcalde de Pontecesures na proa, a embarcación na que fixeron a viaxe dende Vilagarcía de Arousa o Director Xeral de Turismo, o Xerente da S.A. do Xacobeo, o Presidente da propia ruta maritimo-fluvial, representantes de varios concellos e outros acompañantes. Apreciei a presenza dos alcaldes de Teo, Rianxo, Boiro, o concelleiro de cultura de Vilagarcía, etc. Tamén viña a bordo a alcaldesa en funcións Maribel Castro e a concelleira Ana Portas, mentres Margarita García Castro e José Antonio Baliñas recibiron á expedición (como eu, aínda que non estaba convidado) no propio peirao.

(más…)

Por Luis Angel Sabariz Rolán, hace

SABADO 9 DE SETEMBRO FESTA DA BICICLETA 2006

O Concello de Pontecesures organizou outro ano mais, e coincidindo ca volta ó cole dos cativos, unha nova edición da Festa da Bicicleta. A cita será o vindeiro sábado día 9, e a hora de inicio da mesma a partir das 17.30 h na Plazuela, lugar de saida do percorrido, polo que se recomenda ós participantes estar a partir das 5 da tarde na Plazuela.

Esta Festa ten un caracter puramente lúdico, non habendo ningún tipo de competición, senón que se trata de dar un paseo por Pontecesures «escoltados» por Proteccion Civil e a Policia Local, para non ter problemas co tráfico de vehículos.

Ademais colabota na organización desta Festa a Deputacion provincial, ca entrega dunha serie de obsequios que se fan nun sorteo ó rematar a carreira, así coma os trofeos para os participantes mais novos e de mais idade.

Xa o sabedes, animádevos a participar.

Por fru, hace

Carta íntegra de Sabariz a Anxo Quintana sobre discriminación política na selección de persoal.

O pasado 14 de agosto tivo lugar na casa do concello de Pontecesures a entrevista para seleccionar un conserxe para edificios para 8 meses (programas de fomento do emprego da Consellería de Traballo) e foi enviada unha relación pola Oficina de Emprego de Vilagarcía de 6 traballadores/as residindo unicamente en Pontecesures unha delas.

Sorprendentemente non foi seleccionada ningunha e o alcalde o propio 14 solicitou á Oficina de Emprego mais candidatos para complementar o listado (ampliación do sondeo). Como práctica xeral nestes casos sempre foi seleccionada a candidata residente no municipio para fomentar o emprego no mesmo e valorando que para ser conserxe precísase coñecer o termo municipal.

(más…)

Por Luis Angel Sabariz Rolán, hace

A ACP solicita melloras relacionadas co campo de fútbol

Rematada a obra de construcción do muro lateral de peche do campo de fútbol «Ramón Diéguez» no monte de Porto resulta urxente colocar de novo a alambrada por enriba do muro para impedir, no posible, que os balóns vaian fora do recinto.
Tamén resulta moi necesario colocar unha porta e unhas esqueiras no muro para facilitar o labor do persoal do club de fútbol precisamente cando os balóns saen das instalacións.
Solicitan tamén os veciños das vivendas de protección oficial que están preto do peche construído que se coloque un taboleiro para a información municipal no novo muro como tiñan antes.
Tamén urxe que sexan talados os piñeiros que están escorados preto do novo muro como foi solicitado hai uns días. Se ven algún temporal con vento forte os piñeiros poden desplomarse destrozando o muro cos conseguintes riscos para os veciños.
Esta petición trasladouse á alcaldesa en funcións Maribel Castro, esperando que todas estas cuestións sexan resoltas canto antes.

Por Luis Angel Sabariz Rolán, hace

O mércores 30 de agosto pleno ordinario

O 30 de agosto ás 21,00 celébrase o pleno ordinario na casa do concello que será presidido pola alcaldesa en funcións Mª Isabel Castro Barreiro e que só leva na orde do día as actas anteriores, os informes da presidencia e os rogos e preguntas.
Este concellleiro da ACP critica a ausencia do alcalde por segundo pleno ordinario consecutivo, facendo coincidir o disfrute de dous períodos vacacionais precisamente cos días de pleno para non comparecer e non contestar as numerosas preguntas da oposición que ten pendentes.
Tamén se destaca que xa levamos dous plenos ordinarios de mero carácter informativo sen adoptarse acordo algún, criticándose, en consecuencia, a paralise, na xestión municipal do grupo de goberno.
Tamén se lamenta que a alcaldesa en funcións non incluira na orde do día a moción da ACP referente á necesidade de contar cun tractor para a prevención e extinción de incendios forestais.
De tódolos xeitos, faise un chamamento aos veciños para que asistan á sesión onde se van a realizar unha serie de preguntas relativas o funcionamento do concello.

Por Luis Angel Sabariz Rolán, hace