Para este Sábado 03-12-11 saída como de costume ás 15.30 do Náutico.
Todo mundo preparado con linternas, pois vainos a pillala noite.
A ruta que pretendemos facer nesta ocasión é espectacular, unha das
rutas máis bonitas que se pode facer no noso entorno: Subida a Castro
Valente para ir quentando as pernas (seguramente Tino ou Maga se
encargarán de meternos por algún «por aquí coñezo eu» que fara que as
quentemos de mais…), baixaremos Castro Valente e iremos dirección As
Fervenzas de Raxoi, continuaremos cara o Pino, colleremos dirección
Setecoros para facela subida a Xiabre pola cara norte (moito máis
bonita), faremolas fotos de rigor na cima de Xiabre e voltaremos a
través das múltiples trialeiras existentes en dirección Cordeiro. Para
rematar pasaremos polos camiños colindantes coa charca de Campaña e
final da ruta…
Esperemos que o tempo síganos acompañando e si xuntamos un grupo
numeroso como últimamente, aproveitaremos para facer unha boa foto de
grupo na cima do Xiabre.
Dende aquí, o ccpontecesures quere convidar a tódolos afeccionados á bicicleta a que se unan a esta próxima ruta.
CC Pontecesures
Saída á Cabana
Ás 15:30, coma tódolos sábados, saiuse do clube náutico coa intención de ascender, esta vez, A Cabana. Padrón e Rois foron lugares de paso antes de iniciar a ascensión á Cabana. A Cabana está situada nun monte entre os concellos de Rois e Padrón. Este monte ten a caracteristica de que ofrece ao ciclista moitas alternativas para pasar unha boa tarde de bicicleta. Pódese «pistear» se se quere facer unha ruta tranquila, suave e fácil ou facer rutas máis «trialeras». Esto ultimo foi o escollido.
Unha vez iniciada a ascensión, ritmos diferentes, pedaleos distintos, caras desiguais… pero ao final risas e bo humor cando todos, unha vez arriba, nos xuntamos para facer a correspondente foto de rigor.
O mellor sabiamos e intuíamos, estaba por chegar. As seguintes dúas horas foron espectaculares. Sendeiros, camiños de pedra, regatos… fixeron que o descenso fora algo no que todo mundo disfrutou. Incluso tamén cando chegou a noite, a pesar de que ao final xa non viamos pedras, intuíamos pedras no camiño.
Debido a que a noite xa era pechada, o grupo partiuse e sobre as 7:30 da tarde, chegamos ao noso punto de partida, ao clube náutico. Descoñezo a esta hora se o resto grupo chegou xa, pero coñecendo ao Moroko, que rodaba con eles, supoño que si chegarían… ou non.
O próximo domingo 11 de decembro está previsto realizar a ruta da auga de Armenteira. Dende o CCPONTECESURES queremos invitar a tódolos afeccionados que así o desexen, a acompañarnos nesta saída.
