Sin Categoria
O Faiado da Memoria.
O FAIADO DA MEMORIA é un blog onde se recopila material audiovisual (fotografías principalmente) da historia e das xentes de diferentes lugares. Ten un apartado para o Concello de Pontecesures, que se pode visitar a través do seguinte enlace:
http://www.blogoteca.com/memoriapontecesures/
Asemesmo, tamén neste outro enlace se pode visitar o blog con todo o seu contido:
A presentación da sección adicada ao Concello de Pontecesures fíxose o 9 de xaneiro de 2012 e nela expuxeronse dous vídeos aos que se pode acceder nos seguintes links:
Primeira parte: http://youtu.be/AeiaUMiUY_4
Segunda parte: http://youtu.be/aUquZRyJqfM
Sin Categoria
Por fin inaugúrase o albergue de Pontecesures. Non se convida ao acto á ACP.
Mañá, 4 de xaneiro, ás 12 horas celebrarase o acto inaugural do albergue de peregrinos de Pontecesures situado na rúa Pousa Antelo (Infesta) non sen tempo, pois a obra ramotou hai máis de 4 meses. En varias ocasións demandou a ACP a apertura das instalacións que xa estaba equipadas co mobiliario correspondente.
Este concelleiro enterouse extraoficialmente desta boa nova, pois nin tan sequera foi convidado ao acto. Nin a S.A. de Xestión do Plan Xacobeo, nin o Concello de Pontecesures, que coñece a nova dende hai tempo, comunicou nada a este membro da corporación.
Resulta realmente decepcionante que ocorran estas cousas. Despois de implicarse, integrado no goberno anterior, en mútiples xestións a prol de conquerir o albergue (desafectación das antigas casas dos mestres como cuestión previa, solicitude, preparación da documentación para a posta a disposición dos terreos para a cesión ao Xacobeo, seguemento do proxecto e adxudicación da obra, etc…) non teñen lóxica estas actitudes. Hai que ter en conta que o BNG e o PSOE, que agora forman parte do goberno local, estaban en contra da construción do albergue de peregrinos nas antigas casas dos mestres do CPI Pontecesures.
Pois non queda outra que resignarse. Agora ben; tratarei de estar na inauguración, aínda que sexa como un simple veciño. Os integrantes da lista da ACP e as personas que nos apoiaron tamén merecen que alguén lles represente neste acto.
So queda desexar que o albergue sexa un éxito para ben de todos.
Pontecesures, 03/01/12
Luis Ángel Sabariz Rolán
Concelleiro da ACP de Pontecesures
Sin Categoria
Sustitución da máquina de sellado do Servizo Galego de Colocación
No día de hoxe foi instalada nas dependencias municipais unha nova máquina de termosellado dixital, para que todas aquelas persoas que deben renovar a súa solicitude de emprego o poidan facer en Pontecesures sin ter que desprazarse a Oficina de Emprego de Vilagarcía.
Lembrar que a anterior foi dañada na pasada primavera por mor dunha tormenta.
Sin Categoria
Inauguración do albergue de peregrinos de Pontecesures
Mañán mércores, 4 de xaneiro de 2012, ás 12 da mañán, terá lugar a inauguración oficial do albergue de peregrinos de Pontecesures.
No acto intervirán Manuel Luis Álvarez Angueira, alcalde de Pontecesures, Camino Triguero Salas, directora-xerente da S.A. de Xestión do Plan Xacobeo e José Manuel Cores Tourís, delegado territorial da Xunta de Galicia en Pontevedra.
Sin Categoria
Pleno extraordinario do 29/12/2011
Ás 13:30 horas na Casa do Concello levouse a cabo un pleno extraordinario para a aprobación das actas anteriores e a aprobación da ordenanza de regulación dos prezos públicos por servizos ou actividades promovidos polo Concello nas áreas de cultura, deporte, xuventude e servizos sociais.
A aprobación desta ordenanza, que establece os prezos públicos en materia de cultura, deporte, xuventude e servizos sociais, era unha prioridade do equipo de goberno, pola súa utilidade como ferramenta de xestión deste tipo de servizos. Tamén responde a petición dos usuarios e monitores das actividades deportivas, que reclamaban a posta en marcha desta ordenanza, para manter un número estable de usuarios.