Sin Categoria

Consulta: Contas de correo pontecesures.net

A xente de google ven de darnos a posibilidade de xestionar o correo @pontecesures.net con eles, empregando o mesmo sistema que o gmail pero para contas de correo deste dominio.

Desta forma poderemos ter contas do tipo calqueracousa@pontecesures.net cun espacio para correos de ¡2GB! e que poderemos empregar da mesma forma que agora facemos cas contas de hotmail, yahoo e outras gratuitas, pero ca gran diferencia de que estamos empregando o noso dominio (pontecesures.net).

Actualmente a xestión das contas de correo faise por redirección: Os correos enviados a @pontecesures.net reenvianse directamente á conta real do usuario. Esto non se pode facer con gmail, xa que as contas serían reais, co noso propio webmail.

En resumen, a consulta vai para quen xa ten unha conta con actual sistema (redirección) e para calquera interesado en ter unha (no actual ou baseado en gmail):

¿ E mellor a redirección ou é preferible ter esas contas coma reais ?

Por Antonio Cortés, hace

A ACP denuncia a situación perigosa duns piñeiros preto de zonas habitadas

Uns piñeiros situados preto do campo de fútbol de Porto poden desplomarse sobre a pista que discorre entre a instalación deportiva e as vivendas de protección oficial segundo denuncia a ACP. 

O pasado día 8 de xullo presentouse no rexistro do concello de Pontecesures o seguinte escrito:

Na actualidade estase a realizar a obra de reconstrucción do muro de peche do campo de fútbol «Ramón Diéguez» no monte de Porto e que afecta a toda a banda que vai paralela ás vivendas de protección oficial construídas hai 11 anos en Porto. O muro estaba moi deteriorado hai tempo e había unha ameaza evidente de caída.

(más…)

Por Luis Angel Sabariz Rolán, hace

O vello camión da recollida de lixo abandoado preto da gardería municipal.

NOTA DA AGRUPACI?N CIDADÁ DE PONTECESURES (ACP)

En decembro pasado cando este concelleiro formaba parte do equipo de goberno fixéronse xestións para vender o vello camión que se atopaba moi deteriorado e non se usaba dende que en febreiro de 2005 se levou o lixo a Lousame. Precisamente o quedar o vello camión obsoleto foi unha das razóns que motivaron o convenio coa Mancomunidade de Barbanza-Outes para que ésta recollera o lixo, pois senón habería que mercar un novo camión.
Pois ben; este concelleiro foi cesado do grupo de goberno xa hai 5 meses e da venta do camión inservible nunca máis se soubo. Agora está en completo estado de abandono e á intemperie na parte traseira da nave-almacén de obras e preto do patio da gardería. Xa pouco ían a dar polo camión e agora vai haber que pagar para que o leven de alí.
Preguntouse no pleno por isto (en concreto foi o concelleiro socialista Oscar Gerpe) pero o alcalde non contestou nada.
Este concelleiro quere denunciar esta deixadez do alcalde e o pouco que lle importa prexudicar ó concello coa súa inactividade. Pouco se lle pode esixir ós veciños para que non deixen os vehículos abandoados por razóns medioambientais cando é o propio concello o que incumple as normas máis elementais.
Espérase que, dunha vez por todas, se solucione este tema e se retire o vello camión do lixo do seu actual e sorprendente paradoiro.

Pontecesures, 7 de xullo de 2006
Luis Angel Sabariz Rolán
Concelleiro da ACP de Pontecesures

Por Luis Angel Sabariz Rolán, hace

A ACP critica o retraso na apertura da piscina municipal.

A pesar de que estamos xa a 7 de xullo todavía non está aberta a piscina municipal «A Serea» que está situada no peirao de Pontecesures (Avda. Eugenio Escuredo). Son varios os veciños que preguntan as razóns desta demora e numerosos pais/nais de nenos que queren asistir ós cursos de natación que teñen lugar polas mañás non se explican a que se debe este retraso.
Todo isto demostra a apatía e o desinterese do goberno local á hora de dar servizos ós veciños (se houbo problemas coas instalacións ou coa adxudicación do servizo houbo tempo para arranxalos e non esperar a última hora). Xa non é moito o tempo que pode estar aberta a piscina descuberta é, pola incompetencia do alcalde e do grupo de goberno, acurtase sen sentido algún.
Esperemos que a instalación sexa aberta neste fin de semana como desexan os veciños.

Por Luis Angel Sabariz Rolán, hace