Web non oficial de Pontecesures

Sinalizan a zona da rua Ullán afectada pola avaría de auga.

Hoxe, 27 de decembro, polo serán foi sinalizada (conos e limitacións de velocidade) esta zona da calzada da PO-214 Pontecesures-Baloira, ante o perigo que representa para o tráfico a fuga de auga coas fortes xiadas destes días.
Ao parecer a avaría, que leva máis dun mes sen arranxar e que motivou a queixa da ACP para que intervirá o concello fora ou non a traída de titularidade municipal, procede das mangueiras particulares dos veciños de Infesta e os traballos de reparación van comezar de inmediato.

Por Luis Angel Sabariz Rolán, fai

Entrega de Xoguetes á Fundación Amigos de Galicia.

No día de hoxe procedeuse, no Concello de Pontecesures, á entrega de xoguetes á FUNDACI?N AMIGOS DE GALICIA. Despois de que no mes de novembro se puxera en marcha a campaña  de recollida solidaria  ??ALONGA A VIDA DOS TEUS XOGUETES? para que os nenos/as das familias con menos recursos tamén tiverán os seus agasallos no día de Reis.

Entregáronse arredor de 500 xoguetes que a FUNDACI?N se encargará de distribuir.



Por CONCELLO DE PONTECESURES, fai

Programa de termalismo social IMSERSO 2012 en Pontecesures.

Este programa está dirixido a pensionistas da seguridade social, de xubilación ou invalidez, e de viudedade ou outras pensións co requisito de ter 60 anos cumpridos. Hai que valerse por un mesmo e non padecer alteración do comportamento, nin enfermedade infecto contaxiosa.

Os prazos son:

  • ata o 16 de xaneiro de 2012 para os turnos de febreiro a agosto.
  • ata o 16 de maio de 2012 para os turnos de setembro a decembro.

As persoas que, reunindo os requisitos, presentaron solicitude a tempada pasada van recibir os impresos no seu domicilio para o trámite simplificado e renovar a súa solicitude.

Para máis Información poden dirixirse ao Servizo Social Comunitario deste Concello os luns, martes e venres de 9 a 13:30 horas.

 

Por CONCELLO DE PONTECESURES, fai