Web non oficial de Pontecesures

Retiradas, para o seu arranxo, as canastras da pista polideportiva do peirao.

Estas canastras estaban en moi mal estado (unha delas permanecía caida e sen taboleiro dende hai tempo). O pasado xoves foron retiradas para o seu arranxo.
Tamén na pista polideportiva foi retirado unha parte do valado perimetral da mesma (o que a separa do terreno portuario interior). Este valado foi derrubado por mor dos derradeiros temporais e as bases dos mástiles estaban completamente oxidados e inservibles. Agora estase a espera da presentación do proxecto da remodelación integral do peirao.

Por Luis Angel Sabariz Rolán, fai

A solicitude de prazas para os campamentos remata o 23 de marzo.

Esta aberta ata o 23 de marzo o prazo para se inscribir nos campamentos xuvenís dentro da “Campaña Verán 2010” da Consellería de Traballo e Benestar da Xunta de Galicia, para rapaces de 9 a 17 anos. Este programa consiste en estadías de 1 ou 2 semanas en residencias xuvenís tanto en Galicia como en outras comunidades autónomas, e se realizan diferentes actividades de ocio, lecer, didácticas ou deportivas.

Na OMIX do Concelo de Pontecesures (tfno: 986/564410) facilítase información.

Por Luis Angel Sabariz Rolán, fai

A licitación do albergue de peregrinos de Pontecesures é inminente.

O proxecto da obra deste albergue, que vai ir situado na rúa Avelino Pousa Antelo, preto do CPI Pontecesures (utilízanse as antigas escolas de mestres máis un terreo circundante), redactado por Carlos Besada Ferreiro xa foi supervisado pola Sociedade Pública de Investimentos (SPI), logo de modificar lixeiramente algunhas partidas do orzamento. O importe da obra vai ter así un custo xa definitivo de 371.000 euros que van ser afrontados na súa integridade pola administración autonómica.

? moi posible que o anuncio do SPI sobre a licitación da obra sexa publicado na semana próxima, unha vez que se cumprimenten unha serie de trámites por parte da S.A. de Xestión do Plan Xacobeo coa sociedade de investimentos.

O goberno local de Pontecesures está moi interesado en que a obra sexa adxudicada canto antes, co fin de contar co albergue o antes posible dentro deste Ano Santo Xacobeo.

Por Luis Angel Sabariz Rolán, fai