Despois dos anos marcados pola pandemia, neste por fin poderiase ter feito unha Cabalgata de Reis ilusionante e atractiva. Unha Cabalgata que, ademais de levar emoción e ledicia aos nenos e nenas da vila, fora un impulso para o comercio e a hostalería locais, enchendo a nosa vila de xente. Pero unha vez máis, a desidia e a falta de interese -características habituais deste equipo de goberno- impuxéronse, e a Cabalgata de Reis de Pontecesures, que chegou a ser referencia na comarca, apenas foi unha sombra do que foi anos atrás. É unha mágoa que a apatía do equipo de goberno local bote por terra o traballo feito durante anos por moitos veciños e veciñas de Pontecesures para facer grande esta actividade.E a cabalgata non foi máis que o colofón dunha programación de Nadal inexistente (lamentable que pasaran por alto a visita de Papa Noel á rapazada de Pontecesures), que non lle dera máis pulo a celebración do día do Patrón, ou que non incluira ningunha iniciativa para impulsar os negocios locais.

Socialistas de Pontecesures

1010