Axudas do INEGA (Institudo Enerxético de Galicia) para pagar parte da factura eléctrica a través do tícket eléctrico social de Galicia, para o 1º semestre de 2014. Destinada a familias con fillos menores a cargo e que non superen o IPREM.
Prazo de solicitude: Ata o 4 de novembro.
Máis información destas axudas no bando municipal que se pode descargar no seguinte enlace:
A Deputación de Pontevedra concedeu ao Concello de Pontecesures unha subvención de 7.506,50 para contar dende primeiro de ano cun traballador á fronte do Servizo de Educación Familiar (contrato a media xornada), debendo achegar o concello a cantidade restante para asumir o salario e os custos sociais do traballador.
Pois ben; non se contratou ao traballador e non se puxo en marcha o servizo privándose do mesmo a un número de familias de Pontecesures, as de recursos máis escasos. Agora hai que devolver á Deputación o importe da subvención que foi solicitada no seu día polo concello para este fin.
Non entende a supresión do servizo de educación familiar a ACP. Un goberno que fala de progresismo e de axudas para os máis necesitados, deixa na estacada ás familias máis humildes. Moito criticou o grupo de goberno os recortes da Xunta de Galicia nos serivzos sociais e cando a Deputación concede axudas deste tipo son rexeitadas. Ao concelleiro de Servizos Sociais, Roque Araújo, parece que só lle importa a ludoteca (non hai día non letivo sen este servizo), deixando abandonados aos usuarios da biblioteca no verán (a instalación permanece pechada durante este mes) e aos do servizo de educación familiar.
Luis Ángel Sabariz Rolán
Concelleiro da ACP Pontecesures
No Diario Oficial de Galicia (D.O.G.) nº 121 do 27 de xuño de 2014 saen publicadas dúas ordes de subvención da Consellería de Economía e Industria, unha para rehabilitación de fachadas de vivendas con granito e outra para a renovación de cubertas con tella cerámica.
Na liña de axudas para as fachadas a subvención será do 30% do orzamento subvencionable cuns topes máximos de 12.000 ? para vivenda unifamiliar e de 40.000 ? para edificios de vivendas.
Na liña de axudas para as cubertas a subvención será do 30% do orzamento subvenciónable cun tope máximo de 16,50 ? por metro cadrado de vivenda.
O Prazo de solicitude remata o 31 de xullo de 2014.
No seguinte enlace accedese ao D.O.G. do 27 de xuño onde se poden consultar as bases completas destas axudas:
A Axencia Galega de Desenvolvemento Rural, AGADER, concedeu en 2012, ao abeiro dunha liña de axudas para proxectos dinamizadores de áreas rurais de Galicia (fondos europeos), unha subvención de pouco máis de 14.000 euros, subvención do 90% do custo total, para un proxecto integral dunha sala multiusos dixital a instalar no semisoto da Casa do Concello (Aula TIC).
En maio de 2013, e logo do procedemento licitatorio, o concello adxudicou a actividade por 14.908,01 euros dos que a AGADER subvencionou o 90% de dito importe, aproximadamente, e o concello o resto. Acondicionouse con estes cartos o local para a aula e subministráronse 15 ordenadores novos co mobiliario correspondente.
Presentou o goberno local a bombo e platillo a aula cando en xullo de 2013 anunciou que se ía celebrar nas novas instalacións un curso de iniciación á informática para a terceira idade, e incluso na nota publicada se nos falaba da «flamante aula» xestionada e conquerida polo goberno local.
Pois nin flamante nin gaitas; o aula TIC xa non existe e tan só queda o cartel colocado no exterior da porta de entrada so semisoto da Casa do Concello. Apenas houbo un curso máis, e no inverno pasado, ao parecer, estropeouse a alimentación dos ordenadores pola humidade e averiáronse os equipos.
A esta agrupación parécelle moi grave o ocorrido denunciando a desastrosa xestión que está a realizar o goberno que temos. Fallou a previsión en canto as condicións do local pero é que, ademais, os ordenadores, que foron adquiridos cunha subvención finalista de fondos públicos para formar parte dun aula de informática ao servizo da poboación, non sabemos que condicións presentan e se están adicados a outros usos alleos á subvención concedida. O certo é que no local do semisoto do Concello non están.
Prégase que se instalen con toda urxencia os 15 ordenadores na aula TIC para que estea operativa de inmediato. Ademais de privarlle do aula á veciñanza, estase a incumprir o destino da subvención concedida en 2012 e pode o concello ter responsibilidades económicas, e doutro tipo, diante do órgano que subvencionou a actuación por culpa dunha xestión tan lamentable do goberno municipal.
Pontecesures, 14/06/14
Luis Ángel Sabariz Rolán
Concelleiro da ACP Pontecesures
Axudas do Concello de Pontecesures para a escolarización dirixidas ao alumnado de 2º ciclo de Educación Infantil (bolsas de 80?) e para Educación Primaria e E.S.O.(bolsas de 75?).
O prazo de Solicitude é dende o 16 de xuño ata o 15 de xullo.
Máis información e presentación de solicitudes no Servizo Social Comunitario do concello os martes e venres de 9.00 a 13.30 horas.
No seguinte enlace pódense consultar as bases completas destas axudas e descargar o formulario de solicitude:
http://pontecesures.org/vernoticia.asp?id=628
El portavoz de ACP de Pontecesures, Luis Sabariz, alertó ayer sobre el estado «lamentable» de un tramo de la pista de Forneiras, en el lugar de San Xulián. Su pavimento presenta «socavóns que dificultan o paso de vehículos e incluso dos propios veciños», lo que ha generado «bastantes queixas dos afectados», afirma. El edil independiente reconoce el «bo criterio» del gobierno local al incluir esta obra en un plan de infraestructuras financiado íntegramente por la Consellería de Medio Rural, pero lamenta la tardanza en la tramitación. «A pesar do tempo trascorrido dende a aprobación do programa por parte da adminsitración autonómica, aínda non sabemos nada da adxudicación das obras» que también afectan a otras carreteras locales en Souto (Porto), Condide o la rúa Fontaíña. «Non sabemos a qué está esperando o goberno municipal para activar estas actuacións e solucionar deficiencias tan graves como as da pista de Forneiras» indica Sabariz Rolán, que recuerda que estas obras deben estar justificadas ante a Consellería de Medio Rural antes del 30 de junio.
Así, Sabariz pide al Ejecutivo que «actúe con celeridade e non deixe todo para última hora», de forma que puedan surgir después «problemas de prazos». A su juicio el tripartito se caracteriza «pola falla de logros ante outras administracións e nin sequera xestiona ben as axudas xerais»
Diario de Arousa