No día de onte a brigada de obras do Concello de Pontecesures rematou a mellora da parte inferior do local coñecido como Club Xuvenil. Os traballos consistiron na instalación dun novo chan de tarima flotante, actualización do mobiliario e instalación de radiadores de calefacción.
Desde o Concello apuntan que en breve continuaranse os traballos de remodelación. En concreto, continuaranse as mesmas actuacións no resto de salas do Clube Xuvenil, Biblioteca municipal e Centro Social.
A biblioteca municipal de Pontecesures ven de aumentar o seu fondo bibliográfico coa doazón de novos volumes por parte da S.A. de Xestión do Plan Xacobeo. En total, caseque 40 novos libros de temática xacobea que unha vez sexan catalogados poñéranse a disposición dos usuarios da biblioteca.
Apareceu esta pintada no día de hoxe na porta principal do edificio e tamén hai unhas liñas de pintura na porta do semisoto do edificio. Realmente é difícil entender este tipo de actuacións de persoas que ocasionan gastos que hai que asumir cos cartos de todos.