Casa Vella

As xornadas pasan e o Cafetería Sol y Mar aproxímase cada vez máis ao título do Campionato de Futbito de Valga. O líder voltou a sumar un novo trunfo na decimoitava xornada ligueira, nesta ocasión por 0-2 sobre o terceiro clasificado, o A Cacharela/Karymo. Este marcador, xunto co descanso do A Palmeira, eleva de 5 a 8 puntos o colchón do Sol y Mar sobre este último equipo, aínda que cun partido máis para o líder.
O resto da xornada valguesa deparou os seguintes resultados: Desigual 3-1 Extrugasa; Elite Electricidad 4-1 Bar Muelle; Trans. Veiga/Bar O Belén 2-0 A Casa Vella; A Redonda 1-0 Joyería Riveiro; e Valdeza/Bar Juan 2-5 Benjamín Ramos.
A falta de oito xornadas para a conclusión do torneo, a clasificación aparece do seguinte xeito: 1º Cafetería Sol y Mar (45 puntos, un partido máis), 2º A Palmeira (37), 3º A Cacharela/Karymo (36), 4º A Redonda (34, un partido máis), 5º Benjamín Ramos (34, un partido máis), 6º Desigual (25, un partido máis), 7º Trans. Veiga/Bar O Belén (21, un partido máis), 8º Valdeza/Bar Juan (18 puntos), 9º A Casa Vella (14), 10º Elite Electricidad (13, un partido máis), 11º Extrugasa (10, un partido máis), 12º Bar Muelle (10, un partido máis), e 13º Joyería Riveiro (9).

LA VOZ DE GALICIA, 13/03/09

Sen novidades á fronte da liga de Futbito Veterán de Valga. O Cafetería Sol y Mar segue sen atopar un rival quen de superalo despois de quince xornadas de campionato. Mais o Trans. Veiga/Bar O Belén pode sentirse satisfeito, logo de arrincarlle ao líder invicto o seu terceiro empate no que vai de tempada. O resultado, 1-1.
Pola súa banda, o A Palmeira aproveitou a segunda e derradeira xornada de descanso do A Cacharela/Karymo para situarse na segunda praza da clasificación, mercede á súa goleada sobre o colista, o Extrugasa, 0-6. O resto da xornada ofreceu os seguintes marcadores: Bar Muelle 1-2 A Redonda; Benjamín Ramos 1-0 Desigual; Valdeza/Bar Juan 2-0 Elite Electricidad; e A Casa Vella 1-2 Joyería Riveiro.
Deste xeito, a clasificación provisional queda da seguinte maneira: 1º Cafetería Sol y Mar (36 puntos); 2º A Palmeira (31); 3º A Cacharela/Karymo (30 e un partido menos); 4º A Redonda (28); 5º Benjamín Ramos (28); 6º Desigual (19); 7º Valdeza/Bar Juan (18); 8º Trans. Veiga (14); 9º A Casa Vella (11 puntos e un encontro menos); 10º Elite Electricidad (10), 11º Bar Muelle (10); 12º Joyería Riveiro (9); e 13º Extrugasa (9).
A xornada deste domingo inclúe os partidos Desigual-Cafetería Sol y Mar; A Palmeira-A Casa Vella; e A Cacharela-Valdeza.

LA VOZ DE GALICIA, 25/02/09

A Liga de Futbito Veterán de Valga xa tiña campión de inverno a falta dunha xornada para o ecuador do torneo. Pero o Cafetería Sol y Mar non quixo deixar lugar a dúbidas, e o pasado domingo pechou a primeira volta ligueira cun novo trunfo. Nesta ocasión, por 2-0 sobre outro dos equipos importantes do campionato, o A Palmeira.
A Cacharela Karymo P. queda como segundo clasificado en solitario mercede ao seu 2-1 ante o Desigual e ao empate a uns do A Redonda fronte ao Benjamín Ramos. Completan a xornada os seguintes marcadores: Valdeza Bar Juan 6-0 Trans. Veiga Bar O Belén; Bar Muelle 2-1 Joyería Riveiro; e Extrugasa 1-1 A Casa Vella. O Elite Electricidad descansou.
A clasificación queda así despois de doce xornadas: 1º Cafetería Sol y Mar (32 puntos); 2º A Cacharela Karymo P. (27); 3º A Redonda (25); 4º A Palmeira (25); 5º Benjamín Ramos (22); 6º Desigual (19); 7º Trans. Veiga Bar O Belén (13); 8º Valdeza Bar Juan (12); 9º A Casa Vella (11), 10º Elite Electricidad (10); 11º Bar Muelle (10); 12º Extrugasa (9); e 13º Joyería Riveiro (3).
Javier Vázquez Taibo, do Benjamín Ramos, encabeza a táboa de máximos goleadores con 20 tantos, o dobre co segundo clasificado, o xogador do Elite Electricidad José Rodríguez Pérez.

LA VOZ DE GALICIA, 11/02/09