O Concello de Pontecesures vai acometer unha completa renovación do parque infantil de Carreiras para mellorar a seguridade e funcionalidade destas instalacións, nas que investirá 72.027 euros ao abeiro do Plan Concellos da Deputación Pontevedra Unha vez remitido o proxecto definitivo ao organismo provincial, o Concello vén de colocar o cartel anunciador das obras, que se agarda que comecen en breve.
Os traballos consisten no cambio do pavimento, dos xogos e mobiliario urbano do parque de Carreiras. En primeiro lugar, habilitarase unha área de 135 m2 de chan continuo de caucho anticaídas sobre a que se instalarán os novos xogos: un conxunto de escada con plataformas de madeira, dous balancíns e unha pasarela colgada. A zona estará rodeada por céspede natural.
A segunda zona será para estancia das familias: en torno ás árbores do parque colocaranse bancos, cadeiras, unha mesa de granito, papeleiras e un novo alumeado. Finalmente, executarase un novo sistema de evacuación de augas pluviais mediante a instalacións de tres sumidoiros que recollerán a auga superficial, así como unha liña de drenaxe soterrada na zona axardinada para evitar a creación de pozas.
—Deben dar, cando o ministerio non intervén. O Concello de Valga ten os impostos mínimos e non nos obrigan a cambiar, porque están as contas ben.
—Comezou coma independente.
—En 1991, dous mandatos. E unha candidatura independente non é un salto ao baleiro. No noso grupo hai xente que nas xerais vota a outros partidos, así que non todos son do PP. Somos un equipo, practicamente unha familia.
—Compensou o ingreso no PP?
—Eu sempre digo que o alcalde poderá ser o que queira, pero sempre ten que tentar ser sensato. Os veciños de Valga están contentos co que teñen, e eu tamén estou contento. Pero merecen máis dos organismos oficiais e do propio partido. E, por suposto, tamén da Xunta. Fixeron méritos suficientes para bastante máis do que recibiron.
—Pero isto non cansa?
—Nunca pensei que podería presentarme sequera a concelleiro. Non estaba pola política, non ía comigo. Fíxese que no 83 fomos, cun grupo de amigos, ver un pleno e saímos completamente decepcionados. Aquilo eran todo insultos e descualificacións. Case chegan ás mans. Pero a política é unha droga.
—Explique isto.
—Cando un entra por primeira vez é porque cre que os veciños merecen un servizo que non teñen. A droga vén a continuación, cando logras dar algo aos teus veciños. Iso engancha. Aquí estamos todos voluntarios, ninguén te obriga a presentarte, e pasar ese test cada catro anos dende hai 32 con maioría absoluta é unha satisfacción e unha honra. A xente cárgache as pilas.
—Ten gasolina para rato, logo.
—Hai gasolina de momento. Xa digo que somos coma unha familia, só hai un cambio con respecto ás listas anteriores, e cremos que podemos continuar aportando cousas. Ademais, o alcalde de Valga é máis novo có alcalde de Vigo. Así que digo eu que si.
—Seica unhas concelleiras lle cambiaron a vostede o despacho.
—Cambiaron, si, hai uns anos, quitaron a mesa e montaron uns sofás. A verdade é que se usaba pouco, porque temos unha sala de comisións máis operativa. Non me avisaron. Coincidiu cunha viaxe a Bos Aires. E cando me incorporo atopo a porta pechada, cando sempre está aberta. Dentro, unha das tenentes de alcalde, e outra concelleira fóra, para ver a cara que puña.
—Boa cara?
—De sorpresa. Non o esperaba, pero foi positivo e útil.
—Dígame, é vostede da Bella Otero ou de Prisciliano?
—Sen dúbida, Prisciliano está soterrado na capela dos Martores, non na catedral de Santiago, eh? Pero clarisimamente eu quedaría coa Bella Otero.
—Para rematar, púxose vostede algunha vez a dieta?
—Ando moito e fago exercicio. Aliméntome con produtos naturais e vivimos no rural. Estou en liña. Iso das dietas é para outros.
Nado en 1989, Anxo Arca é graduado en Historia pola Universidade de Santiago de Compostela. Ten un máster en Formación de Profesorado de Educación Secundaria, Bacharelato, Formación Profesional e Ensinanzas de Idiomas pola Universidade de Granada. É arqueólogo de profesión.
Concelleiro do Grupo Municipal Socialista no Concello de Padrón dende 2019, ocupa os cargos de secretario xeral da Agrupación socialista de Padrón e secretario provincial de Patrimonio Cultural do PSdeG-PSOE.
Con 2.612 votantes potenciais, o concello cesureño é o que posúe o menor electorado dos once que forman Arousa
12 may 2023 . Actualizado a las 05:00 h.Comentar · 0
Chegou á alcaldía cunha moción de censura, e agora, varridos os seus compañeiros de coalición en Pontecesures, Juan Manuel Vidal Seage aspira á súa primeira reelección para o Partido Popular.
—Que é máis importante para chegar a alcalde, ser coñecido ou ser popular?https://sopalk.com/r/p.html?f=twccuqk&e=1333182323312
—(Risas) Unha cousa debe ir aparellada á outra, penso
—No tema dos churros, é tradicional ou gústalle innovar?
—A tradición está moi ben, pero tamén se debe innovar un pouco. Hai un que é con queixo e marmelada de pemento que está moi bo. O chocolate non é a miña cousa.
—E coláronselle moitos churros como alcalde?
—Espero que foran os menos posibles.
—Como vai o do Fierabrás?
—¿O bálsamo? Non sabería que contarche.
—Sigamos coa comida, xa que logo. Vaia susto lle deu aquela lamprea…
—Foi unha encerrona, un axuste de contas. Aquela lamprea era un demo .
—Gústalle a lamprea?
—Absolutamente. Teño verdadeira paixón pola lamprea.
—Pois se cadra, non é un bo símil para un político, porque é un bicho que vive como parasito doutros animais…
—Somos vellos coñecidos (risas). Espero que non haxa moitos políticos que vivan de parasitos.
—Como leva o das redes sociais?
—Gústanme, quizais de máis, pero gústame trasladar o que fago á opinión pública. Por exemplo, gústame andar en moto, e non me importa que a xente o saiba
—No baile, ¿mellor agarrado ou só?
—Hai momentos para bailar só, pero sempre se desfruta máis cun agarrado.
—E para gobernar, que é mellor, só ou en parella?
—Aí teño bailado de todas as maneiras. Se cadra é mais vistoso xuntos que en solitario.
—É máis de película ou de series?
—As series non me gustan. Non me gusta que me fagan esperar moito para coñecer o desenlace.
—Gardou algunha máscara?
—Teño algunha no faiado, daquelas que fixemos co logo de Pontecesures. Axuda a lembrar o que pasamos.
—Aínda sae de noite ou os anos xa van pesando?
—So, saio. Non son un fiestero, pero son animal nocturno. Ás doce da noite é cando estou máis activo. Mando correos ás dúas ou ás tres da mañá. As nove da mañá é unha hora moi complicada para min
—E hai marcha en Cesures, ou vai a cousa con Nova York, como cantaba Mecano?
—Pois hai un revulsivo da vida nocturna. Hai xente que está a preguntar por antigas discotecas para volver a abrir. Iso gústame. Teño fillos que xa andan por aí e oxalá non teñan que coller o coche para saír de festa.
—Na música, por onde van os tiros?
—Son de rock sinfónico e de compositores. Sempre teño a mesma música no coche, xa mo di a miña nai.
—Contábame o das motos. Cal é o seu piloto preferido?
—Giacomo Agostini.
—Cal foi a súa primeira moto?
—Unha BMW Augusta. E estou pensando que se cadra debería ser tamén a última.
—Que foi o primeiro que levou ao despacho de alcalde?
—Un ambientador. Aínda o teño. Un Concello debe ulir ben.
– Unha comida, xogos populares, inchables e actuacións musicais foron as actividades programadas
– O alcalde, José María Bello Maneiro, e os concelleiros Pedro Calvo e José Lagos asistiron en representación municipal
O Parque Irmáns Dios Mosquera foi o punto neurálxico das celebracións do vixésimo cuarto aniversario da radio municipal. Máis de trescentas persoas déronse cita para participar nos festexos, que incluíron un xantar popular e outras actividades culturais e recreativas coma actuacións musicais e xogos. En representación do Concello asistiron o alcalde, José María Bello Maneiro, e os concelleiros José Lagos e Pedro Calvo, que ademais é locutor de Radio Valga.
A Banda de Música Municipal de Valga foi a encargada de amenizar a sesión vermú dunha actuación dirixida por Manuel Villar Touceda. O xantar, a cargo de Lito Mambís, abriuse con empanada como entrante e, como pratos principais, degustáronse polvo á feira e churrasco con patacas e ensalada. Non faltaron a sobremesa e o café.
Unha vez rematada a comida, o director de Radio Valga, Héctor Bermúdez, coa axuda dunha man inocente, sorteou agasallos doados por empresas e casas comerciais colaboradoras: xamóns, pequenos electrodomésticos, carros para ir mercar e lotes de diferentes produtos foron algúns dos regalos que se entregaron aos afortunados.
Pola tarde non faltou a diversión, cun baile a cargo de Music Stars e Dúo Reflejos e tamén con xogos para maiores e cativos. A chave, a ra, a estornela ou o aro foron algúns dos xogos populares cos que se atreveron os moitos dos asistentes, mentres que os máis cativos tiveron inchables.
