La disminución es apreciable. En concreto el CPI Pontecesures contará con 227 alumnos.
Sin Categoria
XXVI Certame Intercentros. Entrega de premios.
O martes 14 de Maio, tivo lugar o XXVI CERTAME INTERCENTROS organizado pola Anpa do CPI Pontecesures no que participaron alumnas e alumnos de 3º,4º,5º e 6º de EP do CEIP Baño-Xanza (Valga); CEP Ferro Couselo (Valga); CPI Progreso (Catoira) e do CPI de Pontecesures.
.As gañadoras e gañadores recibiron como agasallo, ademáis do correspondente diploma, un precioso agasallo feito polas usuarias e usuarios de ASDIVALU (Asociación de Persoas con Discapacidade dos Vales Ulla e Umia).
As alumnas e alumnos de música da ESO ofreceron unha pequena actuación na que nos amosaron as súas habilidades, hai canteira musical en Pontecesures!
Parabéns a todas e todos os participantes pola calidade das súas obras e ás ANPAS dos centros participantes, especialmente á ANPA do CPI Pontecesures polo seu traballo e adicación cos alumnos e alumnas do noso colexio!
CONCELLO DE PONTECESURES
Sin Categoria
Día da Muller en Pontecesures.
Hoxe en día, malia os avances que temos conquistado, estamos a ver como os dereitos tamén se pode perder. A violencia vicaria e o cuestionamento da existencia da violencia machista cando 5 mulleres foron asasinadas no que vai de ano e 58 (tres galegas) o foron no 2023 polas súas parellas ou ex parellas son un bo exemplo do camiño que queda por andar.
Tamén vivimos nos últimos meses acontecementos e indicadores preocupantes no ámbito do lecer, do deporte ou das condicións das traballadoras que dependen de contratas públicas e privadas. A fenda salarial de xénero no ano 2022 situouse no 18,7% e son as mulleres as que desenvolven traballos máis precarios con xornadas parciais ou contratación fixa discontinua.
Non só é necesario non dar un só paso atrás, senón que Pontecesures e Galicia precisan pasos adiante para avanzar en igualdade, medidas que aborden a educación en igualdade nos e nas máis novas, medidas que supoñan avances nos dereitos laborais e na mellora dos recursos contra a violencia machista.
Dende o Concello estamos a apostar pola formación en igualdade dos máis novos e novas, a través de obradoiros e formacións en colaboración co CPI Pontecesures pero tamén é necesario o noso exemplo no día a día: nas tarefas da casa, nas responsabilidades no coidado de maiores e cativas, no respecto ás responsabilidades laborais e na valorización do traballo diario.
Só deste xeito podemos camiñar hacia unha sociedade igualitaria e plena en dereitos e garantías.
Concello de Pontecesures
Sin Categoria
Alumnos/as dos centros escolares. Os datos de Pontecesures, preocupantes.
Cambados, 1931
Catoira, 334
O Grove, 1.178
A Illa., 496
Meaño, 559
Meis, 423
Pontecesures, 245
Ribadumia, 511
Valga, 689
Vilagarcía, 4.740
Vilanova, 1.334
Unha análise elemental nos leva a concluir que un número importante de nen@s que viven en Pontecesures, en idade de cursar dende educación infantil ata 4º da ESO, non están escolarizados no CPI Pontecesures senón en centros doutros concellos.
Posibles razóns: Transporte escolar gratuito con paradas en Pontecesures para centros situados noutros concellos e comedores escolares gratuitos neses centros.
Consecuencias: Que nun futuro próximo non se imparte a ESO en Pontecesures por teren poucos alumn@s e ao rematar a educación primaria haxa que cursar a educación secundaria noutros municipios. En lugar dun CPI contariamos só cun centro de educación infantil e primaria , CEIP.
Sin Categoria
MELLORAS NAS INSTALACIÓNS DO CPI E ESCOLA INFANTIL DE PONTECESURES.
De cara ao inicio do vindeiro curso escolar 21/22, o Concello de Pontecesures, en colaboración coa dirección do centro, está a coordinar as labores de limpeza, mantemento e mellora do CPI Pontecesures.
Aos arranxos precisos para garantir o bo funcionamento do centro, súmanse as labores de pintado de diversas áreas na zona exterior e peche perimetral, destinadas a mellorar notablemente a percepción do complexo educativo.
Por outra banda, grazas ao compromiso por parte da Delegación Territorial da Consellería de Educación da Xunta de Galicia, logo de ser informados da necesidade desta actuación por parte do Concello, nos vindeiros días, darase inicio ao proxecto de pintado da práctica totalidade das aulas que conforman o edificio de Primaria e Secundaria, así como das zonas comúns do mesmo.
Estos traballos completan as obras de rehabilitación integral e mellora da eficiencia enerxética acometidas no pasado curso por un importe de 762.000 €
Asimesmo, o persoal do servizo de obras do Concello está a levar a cabo as actuacións pertinentes nas instalacións da Escola Infantil Municipal de Pontecesures para dar acollida ás/aos cativas/os no novo curso, que dará comezo o próximo 1 de setembro.
Sin Categoria
MAÑÁ MARTES REALIZARASE UNHA ACTIVIDADE CONTRA A VIOLENCIA DE XÉNERO NO CPI DE PONTECESURES
Unha vez máis, o Concello de Pontecesures, no seu compromiso coa loita e prevención da violencia machista, será promotor da actividade que se levará a cabo ao longo da xornada do 15 de xuño no CPI Pontecesures dentro das medidas encadradas no Pacto de Estado Contra a Violencia de Xénero.
Nesta actividade o alumnado participante, logo de realizar un traballo conxunto de formación e investigación, pintará un mural no que se reflectirá e visibilizará a importancia das mulleres dentro da nosa sociedade.
A iniciativa, ademáis de fomentar a creatividade do alumnado, servirá para concienciar á poboación, especialmente á infancia e xuventude, en materia igualdade e prevención e loita contra a violencia de xénero.
