Concello
Nota íntegra da ACP sobre o mantemento da caldeira do CPI Pontecesures.
Logo de anunciar o alcalde no pleno ordinario de xaneiro que o concello seleccionara unha empresa encargada do mantemento da caldeira do CPI Pontecesures, reparada a fondo pola Consellería de Educación xunto con todo o sistema de calefacción do centro, esta agrupación solicitou a consulta do expediente de adxudicación de dito mantemento á empresa en cuestión xunto coas facturas emitidas ao concello, ou acordos municipais, no seu caso. Pois ben; despois de máis de dous meses, nin temos autorización, nin sabemos nada deste tema.
Sí nos resultou sorprendente que na nota pública do goberno local publicada no día de onte, con motivo do remate das obras da calefacción no CPI Pontecesures por parte da Consellería de Educación, se informe que xunto con técnicos da consellería, operarios do concello e persoal do colexio, estivo presente no recinto escolar para recibir as instruccións da empresa adxudicataria da obra sobre o funcionamento do novo sistema de calefacción, PERSOAL DA EMPRESA ENCARGADA DO MANTEMENTO.
Non sabemos o que está a motivar este obscurantismo e todo este misterio. Reiteramos unha vez máis que queremos ter acceso ao expediente para efectuar as tarefas de fiscalización e control que temos encomendadas. Non pode ser que unha empresa comece a realizar unhas tarefas que corresponden ao concello e os concelleiros da oposición nin saibamos quenes son, a documentación acreditativa da idoneidade da mesma, o prezo da prestación, etc…
Pontecesures, 27/04/12
Luis Ángel Sabariz Rolán
Concelleiro da ACP de Pontecesures
Concello
Réplica sobre as acusacións do goberno local de Pontecesures relacionada co obscurantismo.
En lugar de autorizar a consulta da documentación municipal requerida sae o goberno local de Pontecesures acusando a este concelleiro de interferir e prexudicar as tarefas diarias na Casa do Concello. Nada máis lonxe da realidade. Desexo replicar o seguinte:
1. Estase a solicitar a consulta dunha documentación que xa consta no concello. Non se pide a redacción de novos documentos, informes, ou outras tarefas nas que deban ocupar un tempo os traballadores. Pídese a relación de horas de traballo realizadas fóra de xornada en 2011 polo persoal (está xa elaborada e documentada mes a mes), pídense datos do expediente da adxudicación no mantemento da caldeira do CPI Pontecesures (que xa existe segundo manifestou o alcalde no pleno de xaneiro) e pídese unha factura dunhas xardiñeiras que segundo manifestou a concelleira, Cecilia Tarela, mercou o concello para a Travesía da Bandeira e que non teñen nada que ver coas subvencionadas pola Consellería de Economía e Industria.
2. Este concelleiro practicamente sempre solicitou autorización para consultar documentos xa «elaborados», sen que se precisase labor algunha para os traballadores municipais. Tan só atopalos, claro. E para atopalos temos tres concelleiros con dedicación exclusiva toda a mañá nas oficinas cobrando un salario que pagamos todos os cesureños. Ben podían facer, alomenos, este cometido.
3. ? certo que algúns escritos meus foron enviados vía fax porque por razóns laborais non estou en Pontecesures polas mañás. Non me quedou máis remedio para efectuar os labores da oposición. Pero tamén hai que dicir que dende o concello a propia Cecilia Tarela comunicoume varias veces que os fax non tiñan validez e así tiven que presentar logo os orixinais en canto me foi posibel na Casa do Concello. O sexa, en lugar de facilitar as tarefas, poñen paus nas rodas para prexudicar as tarefas de fiscalización e control. En consecuencia, por fax ou nas oficiñas, son os mesmos escritos.
4. Non entrei nas oficinas municipais para levarme o programa da Festa da Lamprea como «primicia» antes da rolda de prensa. A programación deste ano tampouco animaba moito a coñecer a información con antelación logo do que se ía sabendo. Que se deixen de elucubracións e de ocorrencias.
5. Este concelleiro seguirá, agora dende a oposición, traballando a prol dos intereses dos veciños e da vila como sempre fixo. Por moito que oculten información, por moito que se incomoden, por moitas acusacións que me fagan, mentres sexa concelleiro sempre cumplirei coas miñas funcións. Para iso presenteime ás eleccións e para iso son tamén un representante de parte da veciñanza.
Pontecesures, 13/04/12
Luis Ángel Sabariz Rolán
Concelleiro da ACP de Pontecesures
Educación
Disfrutaron onte os nenos de infantil do CPI Pontecesures na biblioteca.
A Biblioteca Pública Municipal de Pontecesures acolleu onte a actividade de animación á lectura ‘Kontosde akí e de akolá’, da que se encargou Marisa Irimia.
Asistiron decenas de alumnos de Educación Infantil do CPI Pontecesures. Esta actividade, realizada con motivo do programa ‘Abril, mes dos libros’, enmárcase no programa Letras Vivas, subvencionado pola Consellería de Educación e Cultura. Marisa Irimia tamén estará na Biblioteca de caldas o 16 de maio co contacontos ‘De Pinochas e princesas’.
DIARIO DE PONTEVEDRA, 12/04/12
Concello
A ACP solicita ao Xacobeo a colocación de indicadores do albergue de Pontecesures no Camiño.
Foi dirixido no día de onte a Sr.D. Andrés González Murga, conselleiro delegado da S.A. de Xestión do Plan Xacobeo o seguinte escrito:
«»Resulta realmente unha mágoa que o Albergue Peregrinos de Pontecesures, recentemente inaugurado e que esta situado fronte ao edificio administrativo do CPI Pontecesures a escasos metros do Camiño Portugués onde pasan os peregrinos, non teña nin un cartel anunciador do albergue no propio camiño para desviarse e facer uso das instalacións de desexarse.
Parece ser que se está a encargar pola sociedade a cartelería para este fin, pero a demora parece non ter límite e cada vez son máis os peregrinos que percorren o camiño a partir desde mes.
Mediante a presente, solicítase que se activen as xestións para que os indicadores sexan colocados con toda urxencia, co fin de potenciar o uso e aproveitamento do albergue.
Pontecesures, 3/4/12
Luis Ángel Sabariz Rolán
Concelleiro da ACP de Pontecesures»
