danos

Nota íntegra da ACP sobre o estado da rúa Mimosas de San Xulián.

A finais de outubro rematou a instalación de rede de auga e saneamento na rúa Mimosas de San Xulián (Pontecesures) obra incluída no Plan de Emerxencias 2011 de Medio Rural logo da tramitación e sinatura do convenio entre dita consellería e o Concello de Pontecesures realizada polo goberno municipal anterior.

Pos ben; dende o 29 de outubro en que a rúa foi aberta provisionalmente ao tráfico tras rematar as obras de colocación das novas tubarías ata hoxe, está sen pavimentar o tramo da rúa Mimosas (está incluído na obra) afectado polos traballos coas correpondientes molestias para os veciños que ven como pasa o tempo e non se bota a capa de asfalto para rematar a actuación dunha vez por todas. Así a gravilla solta, as lóxicas imperfeccións no pavimento que poden provocar danos aos vehículos e os valados de obra son o panorama habitual que se aprecia nestes días no vial, e xa vai máis de mes e medio.

Por elo, solicítase ao goberno local que axilice as xestión para que se bote canto antes o novo pavimento no tramo comentado. Esperamos que nas celebracións do Nadal os veciños non teñan que continuar soportando os problemas que ocasiona o estado actual desta rúa.

Pontecesures, 19/12/11

Luis Ángel Sabariz Rolán
Concelleiro ACP de Pontecesures

Por Luis Angel Sabariz Rolán, hace

Sabariz urge la mejora del firme tras las obras de saneamiento en la Rúa Mimosas.

Estado del firme en la Rúa Mimosas de San Xulián.

Desde finales del mes de octubre, cuando concluyeron las obras de instalación de la red de saneamiento y abastecimiento de agua en la Rúa Mimosas de San Xulián y se restableció el tráfico en la zona, todavía no se ha procedido a reponer el firme, una actuación que está incluida en el mismo proyecto y cuyo retraso, sostiene el concejal de ACP, Luis Sabariz, está acarreando ??molestias para os veciños, que ven como pasa o tempo e non se bota a capa de asfalto?. Hay gravilla suelta e imperfecciones en el pavimento que ??poden provocar danos aos vehículos?, añade el edil, que insta al gobierno local a que agilice las gestiones para que, cuanto antes, se dote al vial de la nueva capa de rodadura para que ??no Nadal os cidadáns non teñan que seguir soportando estes problemas?.

Por Luis Angel Sabariz Rolán, hace

Reparación dos desperfectos na intersección das rúas Avenida de Vigo e Ullán

Sobre as 20:30 horas de onte produciuse un accidente de circulación, no que se viron involucrados dous vehículos, na intersección das rúas Avenida de Vigo e Ullán. Aparte dos danos materiais, un dos conductores resultou ferido sendo trasladado nunha ambulancía ó Hospital Clínico de Santiago.
No día de hoxe a Policía Local de Pontecesures trasladoulle á Dirección Xeral de Estradas do Estado un informe dos danos materiais provocados polo accidente, consistentes no destrozo dunha isleta de adoquíns e unha sinal de tráfico.
Dende a Dirección Xeral de Estradas do Estado comprometéronse ó arranxo dos desperfectos nos vindeiros días.

Por CONCELLO DE PONTECESURES, hace

Danos do temporal en Pontecesures

As consecuencias do temporal do día de hoxe en Pontecesures foron cuantiosas. Ademais das habituais caídas de valados de obra e contedores de lixo, temos que resaltar o peche da senda peonil de subida ás escolas provocado pola caída dunha árbore, que levou por diante un tendido eléctrico. Dende primeiras horas da mañán, o servizo municipal de obras empregouse a fondo nesta avaría e niste momento está totalmente arranxada. Como diciamos , por seguridade o grupo de goberno municipal procedeu ó peche durante o día de hoxe desta senda.

Tamén hai que dar conta da rotura dunha cristaleira da praza de abastos municipal coa que se está a proceder ó seu arranxo, para evitar a entrada da choiva no interior.

Por último indicar que a excursión programada para os nenos de infantil do colexio C.P.I. de Pontecesures ó Belén de Campaña está mañán  quedou anulada.

Dende o grupo de goberno municipal queremos pedirlle ós veciños que extremen as medidas de seguridade perante a duración do temporal.

Por CONCELLO DE PONTECESURES, hace

A varanda da rúa do Castro segue derrubada.

Na noite do 9 ao 10 de agosto, un vehículo derrubou un tramo de 7 metros desta varanda fronte ao número 5 da rúa do Castro de San Xulián (Pontecesures). O accidente foi aparatoso pois incluso algún elemento caíra na estrada nacional N-550 baixando polo noiro.

Pois ben; a pesar do tempo transcorrido a varanda aínda non está reposta coas conseguintes queixas de veciños. Nin a celebración o pasado día 12 de outubro dos actos da festividade do Pilar en San Xulián fixo reaaccionar ao goberno local e así esta deficiencia amosa a inoperancia dos gobernantes actuais. Pero é máis; a pista é moi concorrida por alumnos e pais do CPI Pontecesures que suben ou baixan a pé pola rúa do Castro (espazo estreito ademais). O perigo de caída é evidente para todos eles.

A ACP insta ao goberno local para que a varanda sexa reposta canto antes. Ignórase a tramitación e as xestións reallizadas coa compañía aseguradora do vehículo causante dos danos e que debe facer fronte aos gastos da obra, pero logo de transcorrir dous meses e medio o arranxo non debe demorarse.

Pontecesures, 22/10/11

Luis Ángel Sabariz Rolán
Concelleiro da ACP de Pontecesures

Por Luis Angel Sabariz Rolán, hace