orzamentos

Contestación á nota do BNG de Pontecesures sobre o albergue de peregrinos.

En relación coa nota emitida polo grupo municipal do BNG, que manifesta que o equipo de goberno de Pontecesures non quere un centro de día porque os terreos das antigas escolas dos mestres se van adicar á construcción dun albergue de peregrinos, contéstase o seguinte:

1-Teñen os nacionalistas un descoñecemento absoluto en canto ao patrimonio municipal. A Consellería de Educación nunca cedeu a titularidade das escolas do CPI Pontecesures ao noso concello. Por unha razón elemental: porque sempre foron do concello, (e así figuran inscritas no seu inventario de bens) aínda que estaban afectadas como ben de servizo público a un uso educativo. O que fixo a consellería en novembro 2006 foi autorizar a desafectación, en base a un acordo plenario de 28/10/05 e a que todos os mestres habían entregado as chaves das vivendas ruinosas. Por certo; o goberno anterior deixou abandonado o expediente pois nin tramitou a desafectación algo que se está a facer agora.

2-Falan moito agora os nacionalistas do centro de día nesas instalacións. Cando era alcalde o Sr. Álvarez Angueira, o Sr. Quintana en prometeu nunha visita a Pontecesures o centro a bombo e platillo, pero aínda que estivo dos anos máis na Vicepresidencia, nada de nada. Sí enviaron o informe do anteproxecto presentado polo concello e incluso o Sr. Diz máis eu entrevistámonos en Vigo co antigo delegado de Vicepresidencia, pero falaban de estudos demográficos, de posibles usuarios, de que hai outros centros preto, etc…

3-O espazo das vivendas en cuestións (para un centro de día habería que derrubalas totalmente) resulta realmente escaso, segundo as consultas técnicas realizadas, para adicar ao fin do que fala o BNG.

4-? custo da obra do centro supera os 705.000 euros, segundo o orzamento presentado en 2007. Para construilo agora habería que realizar unha achega do 30% (alomenos esas son as cifras que se manexan)e que a Xunta asuma o 70%. Realizáronse algunhas xestións coa nova Xunta, pero non hai indicio algún de que se invista agora esa cantidade pola administración autonómica (recortes importantes nos orzamentos). Ademais habería que plantexarse o importante custo que tería a prestación do servizo na situación económica de diminución de recursos que teñen os concellos.

5-Xurdiu así o tema do albergue, investimento moi importante tamén para Pontecesures por razóns económicas e turísticas. Non debe esta vila quedar á marxe do Xacobeo 2010 perdendo una ocasión histórica para contar cun albergue. Non podemos seguir con unas vivendas ruinosas a carón do CPI Pontecesures. Os problemas de seguridade e os «ocupas» obrigaron non hai moito a tapiar as xanelas, e na actualidade os edificios presentan un aspecto lamentable.

6-Claro que tamén é importante mellorar o Camiño Portugués ao paso por Condide e Carreiras. De feito, está presentado ao rematar 2007 un proxecto valorado nada menos que en 1.385.000 euros para ese tramo (afundindo cableados, con zonas axardinadas, mobiliario urbano, unha marabilla, vamos), pero a S.A de Xestión, dalle prioridade agora aos albergues nestes momentos de crise.

Como conclusión hai que dicir que non hai dilema entre albergue e centro de día. O primeiro á factible, o segundo polo de agora non. Por suposto que isto non significa que o centro non se poda construir máis adiante noutros terreos, de tomar a decisión a Xunta de Galicia.

Pontecesures, 29/11/09
O concelleiro de relacións institucionais de Pontecesures
Luis Ángel Sabariz Rolán

Por Luis Angel Sabariz Rolán, hace

Contestación do concelleiro de relacións institucionais ao BNG de Pontecesures sobre o comedor escolar.

1. Na visita do pasado día 24 de agosto, o Xefe Territorial de Educación, Pérez Ares, comprometeuse a que un técnico viría ao colexio para elaborar o proxecto dunha nova construcción no recinto escolar para instalar o comedor, dicindo que, logo de facelo, se ía estudar o custo da obra e a posibilidade de executar a mesma. Hai pouco lle recordei o compromiso pois desta visita nada sabemos. Na visita de Cores Touris trasladóuselle esta necesidade, xunto con outras varias, sen facer o delegado territorial da Xunta promesa algunha sobre isto.

2. Recibo con ledicia a nova de que o BNG presentou unha emenda aos orzamentos da Xunta para incluir a obra. ? unha mágoa que non se lembrara antes, cando formaba parte do goberno bipartito en épocas de bonanza económica. Isto é o que a xente non entende dos políticos. Lémbranse dos investimentos cando están na oposición, logo de gobernar. Se lle da tanta importancía agora de súpeto ao comedor escolar do CPI Pontecesures o BNG. ¿Por que non tomaron a decisión cando cogobernaron na Xunta? ¿Porque o alcalde anterior pasou totalmente do comedor?

3. ? certo que o delegado anterior co bipartito, Cristóbal Fernández Vázquez, prometeu o investimento do comedor en 2007, e que éste non foi cumprido. Pero dicir que a culpa foi de Luis Sabariz porque foi apartado das siglas do PSOE é insólito e resulta unha acusación de política clientelar e de corrupción contra o anterior delegado. Se as familias de Pontecesures necesitan o comedor. ¿Que terá que ver a adscrición política miña?.

4. Coñece todo o pobo de Pontecesures que sempre fun un defensor do comedor tanto dende a ANPA, que presidin once anos, como dende o meu posto de concelleiro. Foron imnumerables os escritos, as chamadas, as visitas e todo tipo de xestións diante das autoridades de educación. Poden corroboralo os anteriores delegados Fraga Boullosa, Fernández Vázquez e o actual xefe territorial. Tamén a oficina técnica de educación, os membros das xuntas directivas das ANPAS, dos consello escolares, da corporación municipal…

5. Tamén coñece a veciñanza que non son dos que abandono as miñas obrigas como concelleiro. Fun especialmente reivindicativo en conquerir melloras para o noso centro como na construcción do ximmnasio, na ampliación do patio escolar, na consecución do transporte escolar, na mellora das instalacións do centro, na construcción do pequeno patio cuberto que temos, na instalación de xogos no recinto, e de moitas actuacións máis. ? inxusto tratarme así, logo de adicar tantas e tantas horas, con erros e acertos, claro, a este cometido.

6. O importante é que se consiga o comedor, e por iso vou seguir a traballar dentro do goberno local. O agocharse non vai conmigo. ? único responsable de que non se instale o comedor é a Consellería de Educación. Xa demostrei que non son dos que me agocho o 16 de xuño de 2007, cando non posibilitei a reelección do anterior alcalde nacionalista. Saín coa cabeza alta porque os concelleiros non adscritos e os membros da miña lista tomamos esa decisión que era a mellor para os intereses de Pontecesures, polas razóns que explicamos tantas veces. Senón fixera iso si sairía agochado por ceder ante as políticas partidarias por encima das conviccións cando se me había informado que iso non ía suceder.

Pontecesures, 26 de novembro de 2009

Luis Ángel Sabariz Rolán
Concelleiro de relacións institucionais.

Por Luis Angel Sabariz Rolán, hace

Non disporemos de comedor escolar.Nova baixada de pantalóns.

comedor

Esfúmase o comedor escolar. Se non se remedia Pontecesures non contará con comedor escolar para o vindeiro curso 2010-2011.

O BNG de Pontecesures constata que nos orzamentos da Xunta de Galicia non hai partida para levar a cabo esta infraestrutura. Non consignarse partida orzamentaria para o ano 2010 significa ademáis que probablemente tampouco contaremos co servizo de comedor escolar para o curso seguinte, o 2011-2012, feito que o BNG quere poñer en coñecemento dos veciños deste pobo.

Ante esta situación, ¿Qué fai o goberno local? Pois simplemente cala a boca e agacha a cabeza. Volve a calar igual que o fixo cando a Xunta do PP tirou abaixo o proxecto de remodelación da zona portuaria cun investimento de preto de catro millóns de euros, proxecto do que eles mesmos votaran a favor en pleno.

O BNG denuncia esta actitude do goberno do concello, covarde e cómplice. Covarde e cómplice porque a sabendas que o goberno da Xunta non consigna absolutamente nada para levar adiante esta infraestrutura tan necesaria e tantas veces demandada, cala a boca a fin de non importunar ao PP importándolle pouco ou nada se o servizo de comedor para os escolares e familias de Pontecesures non se leva a cabo
O tripartito coa alcaldesa á cabeza, é responsable no seu conxunto deste abandono e ven a demostrar que a promesa máis importante, por ser das actuacións máis necesarias, que levou a cabo o delegado da Xunta, o Sr, Cores Tourís durante a súa visita a este concello, caeu en saco roto. Dóuselle a entender á cidadanía de Pontecesures como a petición estrela e resultou ser, por ambos lados, mera e simple propaganda.

O BNG quere destacar tamén a actitude do tránsfuga Sabariz, que coa anterior Xunta de Galicia reivindicaba que se acometeran as actuacións necesarias para contar co servicio e agora, cómplice do PP, agacha a cabeza como o s demáis, non acordándose que él o só el é o culpable de que a anterior administración socialista non realizara a inversión para este fin por traizoar ccoa súa actitude de tránsfuga ao partido socialista, recoñecemento expreso que el mesmo ten feito nalgún consello escolar.

O BNG levou, nou seu día, ante o pleno municipal a inicativa para que se destinaran fondos do plan E para a construcción do comedor escolar, por ser prioritaria esta actuación, inicativa á que o goberno municipal non lle fixo caso, disculpándose con falta de competencia, e investindo os cartos noutras actuacións, que ao noso xuizo non eran tan urxentes.

Ante esta nova? baixada de pantalóns? do tripartito municipal, O BNG de Pontecesures, a través dos seus deputados no Parlamento de Galicia ven de presentar enmendas aos orzamentos para o ano 2010 a fin de que nos investimentos da consellaría de educación se consignen os fondos suficientes para que o comedor escolar sexa por fin una realidade para o vindeiro curso e esperando que o PP reconsidere a súa postura e atenda esta razonable e xusta petición.

Por bngpontecesures, hace

Cores Tourís cita melloras no peirao de Pontecesures ao falar de investimentos dos orzamentos da Xunta.

A Consellería de Mar tamén amosa a súa implicación coa provincia de Pontevedra, con unha inversión global de 45 millóns dos que 4 millóns de euros destinaranse a axudas ao sector pesqueiro e a acuicultura. ??Tamén cabe destacar en relación con este departamento o investimento previsto por Portos para a nosa demarcación provincial, case un millón e medio de euros, para diversas obras de creación, ampliación e mellora relativas ás zonas portuarias de Pontecesures, Bueu, Aguete (Marín), A Illa, Combarro (Poio), Cambados, O Grove, Portonovo (Sanxenxo) e Vilanova de Arousa?, manifestou o Delegado Territorial da Xunta en Pontevedra, José Manuel Cores Tourís.

Por Luis Angel Sabariz Rolán, hace

Urgen a Educación a que ejecute todas las mejoras prometidas para el colegio de Pontecesures.

El Concello de Pontecesures insta a Educación a que ejecute en el CPI, todas las mejoras comprometidas el pasado mes de agosto, pues, asegura, que algunas, de urgente necesidad aún no han sido realizadas.
El concejal de Relacións Institucionais indicó que la Consellería ya ha realizado algunas reparaciones como el sellado de la cubierta del gimnasio (?esperando que esta solución sexa a axeitada para evitar as filtracións de augas?); y que está trabajando para acabar con las humedades del edificio de Secundaria. Sin embargo, explicó que sobre todo urge el arreglo del suelo del gimnasio, que es de madera y quedó afectado ante la existencia de aquellas goteras; así como la reparación de toda la fontanería de los edificios?. Luis Sabariz aseguró que esta última necesita de solución inmediata pues ??xa hai uns días houbo que clausurar un par de servizos no colexio, ao botar por fóra os sanitarios?.

En esta misma línea, recuerdan al jefe provincial de Educación, en Pontevedra, que también prometió la redacción de un proyecto para construir unas nuevas dependencias, donde ubicar el ??ansiado? comedor escolar, ??co obxectivo de que o presuposto da obra se inclúa nos orzamentos de Educación e que sexa executada canto antes?. Pero a día de hoy, asegura, ??non temos nova algunha ao respecto?.

Por todas estas cuestiones, Sabariz solicita a Educación que las tome en consideración con la mayor premura posible, sobre todo, respecto a las más ugentes así como el caso del comedor para que el servicio pueda entrar en funcionamiento en el curso 2010-2011. En esta misma línea, le pide que le informe de cómo está la situación de todos estas cuestiones, que el jefe provincial, César Augusto Pérez, prometió durante una visita que realizó al mismo centro, el pasado día 24 de agosto.

DIARIO DE AROUSA, 22/09/09

Por Luis Angel Sabariz Rolán, hace