sabariz

Escrito da ACP ao presidente de Portos de Galicia para que se limpe a marxe do río Ulla no porto de Pontecesures.

limpezaporto

Tendo coñecemento polos medios de comunicación da visita que fixo vostede onte ao porto de Pontecesures en relación coas obras de seguridade viaria realizadas por ese ente público mediante a elevación e sinalizacións dos pasos de peóns, solicitolle unha vez máis (gustaríame facelo persoalmente “in situ” onte, pero non fun convidado para estar na súa visita), a limpeza a fondo da marxe do río Ulla do porto de Pontecesures.

Estas marxes están, como se aprecia na fotografía, en estado lamentable dende o punto de vista la limpeza. Con maleza crecida e desperdicios entre a mesma estase a dar unha sensación de abandono moi criticado pola veciñanza dende hai moito tempo. Xa medraron incluso arbustos que están a impedir ás numerosas persoas que circulan polo peirao as vistas do río. Incrible que pase isto nos tempos que vivimos.

Resulta decepcionante que precisamente no punto onde remata a Ruta Xacobea Mar de Arousa/Ulla remontando o río, nun paraxe importante da Rede Natura, nunha zona visitada por turistas e cidadáns en xeral da comarca onde incluso hai actividade deportiva con adestramentos e competicións de piragüismo, e preto dos pantaláns embarcadoiros se descoiden deste xeito as instalacións portuarias.

? unha vergoña que isto siga así no porto fluvial máis representativo do ente público, e solicítase que, con urxencia, sexan limpadas a fondo as marxes do río no porto de Pontecesures e sexa acometida no futuro una actuación (como se anunciou hai tempo) para colocar pedra co correspondente encintado en todo o noiro que vai dende a estrada do peirao ata as augas.

Pontecesures, 23/08/13

Luis Ángel Sabariz Rolán
Concelleiro da ACP Pontecesures

Por Luis Angel Sabariz Rolán, fai

Resposta ao alcalde sobre os actos da homenaxe a “Borobó”.

Ao non haber nada programado polo concello para lembrar o décimo aniversario da morte do xornalista e escritor cesureño Raimundo García Dominguez “Borobó”, que se cumpre o vindeiro 28 de agosto, a ACP acusou de inactividade ao goberno local solicitando un sinxelo acto na lembranza de “Borobó”.

Pois ben; ante a pobre e forzada resposta do alcalde que nanifesta que vai haber un acto o día 28 no cemiterio organizado por asociacións coa colaboración do concello, desexo matizar o seguinte:

1. Estamos a seis días do 28 de agosto e nada se coñece sobre os actos a celebrar en Pontecesures. Nin programación, nin moito menos difusión. Nada de nada.

2. Son moi respectables as iniciativas de todas as asociacións, pero o Concello de Pontecesures, que nos representa a todos os veciños, ten que ser o actor principal nesta homenaxe tomando unha clara iniciativa organizando, con tempo, un acto propio e non ir a remolque de asociacións ou colectivos. “Borobó”, é Fillo Predillecto desta vila, e o concello que o nomeou así polo seu labor xornalístico e literario debe implicarse ao máximo para lembralo e homenaxealo.

3. Da a sensación de que tanto ao alcalde, como ao goberno local, colleuno por sorpresa a iniciativa das asociacións e da oposición sobre o décimo aniversario do falecemento de “Borobó”, e agora trata de saír do paso con calquera desculpa que non convence a ninguén.

En fin; xa temos outra proba máis da deficiente xestión do goberno local. Aínda que tres dos seis membros perciben unha dedicación exclusiva, observamos que non son quenes de organizar un sinxelo homenaxe a unha figura tan representativa do noso municipio.

Pontecesures, 22/08/13

Luis Ángel Sabariz Rolán
Concelleiro da ACP Pontecesures

Por Luis Angel Sabariz Rolán, fai

La riña política coge en medio a Borobó.

borobo

“Borobó” (a la izquierda), en un acto literario.

El 28 se cumplen diez años de su muerte, y habrá un acto de homenaje en Pontecesures.

Raimundo García, “Borobó” (Pontecesures, 1916) falleció en Santiago de Compostela el 28 de agosto de 2003. Van a cumplirse por lo tanto 10 años de su muerte, y en algunas localidades están ultimando homenajes al que fue uno de los grandes cultivadores del periodismo literario gallego del siglo XX.

En este sentido, “Borobó” se ha visto envuelto en una nueva polémica política entre el concejal de la Agrupación Cidadá de Pontecesures, Luis Ángel Sabariz Rolán, y el grupo de gobierno que encabeza el nacionalista Manuel Anxo Álvarez Angueira. El primero de ellos acusa al gobierno pontecesureño de no hacer nada por recordar la figura de “Borobó”, que además es Hijo Predilecto de la localidad, y que está enterrado en el cementerio parroquial de San Julián.

“En Pontecesures no hay nada programado (sostiene Sabariz), percibiéndose una vez más la nula labor de la Concellería de Cultura. No se puede poner la disculpa de los recortes en todo. Unas palabras en el Ayuntamiento de alguien vinculado a su vida o su obra y un par de flores en su sepultura sería suficiente. Los gastos son insignificantes. Lo que hay que tener es ilusión por hacer las cosas”.

Pero el alcalde responde a Sabariz que “puede criticar lo que quiera, pero debería tranquilizarse, porque sí que va a haber un homenaje a “Borobó”. Lo están organizando el club Expopress y la asociación cultural O Faiado, y el Concello de Pontecesures colabora con ellos”. El regidor indica que el acto será el día 28 por la mañana, en el cementerio, y que el grupo de gobierno “no se olvidó de la efemérides”.

“Borobó” es muy conocido por dirigir La Noche, un periódico literario de gran influencia para la cultura gallega tras la Guerra Civil. También escribió comedias, guiones de cine y trabajos sobre la “Bella Otero” de Valga o el escultor cambadés Francisco Asorey.

FARO DE VIGO, 22/08/13

Por Luis Angel Sabariz Rolán, fai

A ACP solicita que o Concello de Pontecesures organice un acto para lembrar o décimo aniversario de falecemento de “Borobó”.

EL ESCRITOR RAIMUNDO GARCIA DOMINGUEZ. " BOROBO " EN EL MUSEO DE PONTEVEDRA.

O vindeiro día 28 de agosto, cúmplese o décimo aniversario do falecemento do insigne escritor e xornalista Raimundo García Domínguez “Borobó”, nado en Pontecesures, Fillo Predilecto desta vila, e onde están depositadas as súas cinzas, no camposanto parroquial de San Xulián.

Noutros concellos van lembrar a figura de “Borobó” cunha serie de actos. Con decepción observamos que en Pontecesures non hai nada programado, percibíndose unha vez máis o labor nulo da concellería de cultura ocupada por Margarita García Castro.

Non se pode poñer a desculpa dos recortes en todo. A ACP insta ao goberno para que se organice un acto sinxelo en lembranza de “Borobó”. Unhas verbas na Casa do Concello de alguén vinculado á súa vida ou a súa obra e un par de flores na súa sepultura San Xulián sería suficiente. Os gastos disto son insignificantes, o que hai que ter é ilusión en facer as cousas e aplicar aquilo de que é de ben nado ser agradecido.

Esperemos que este goberno apático se poña as pilas, aínda que sexa ao toque de cornetín da oposición.

Luis Ángel Sabariz Rolán
Concelleiro da ACP Pontecesures

Por Luis Angel Sabariz Rolán, fai

Propostas da ACP ao goberno local sobre obras a incluir no Plan da Deputación.

O pasado 14 de agosto foron publicadas no Boletín Oficial da Provincia de Pontevedra as bases reguladoras o Plan de Obras e Servizos provinciais 2013 para os concellos da provincia. A Pontecesures correspóndenlle actuacións por un importe de 119.790,06 euros que serán adxudicadas, no caso de investimentos, pola propia deputación.

Propón a ACP ao goberno local a inclusión no plan das dúas actuacións seguintes:

1. “Recuperación dos manantiais e das conduccións no monte municipal Salgueiras-Lagoa para o abastecemento de auga de Pontecesures”.

2. “Obra de renovación das redes de abastecemento e saneamento na rúa Doutor Mosquera”.

Sobre a primeira das actuacións xa hai un documento técnico para reparar a traída municipal de augas que procede do monte municipal Salgueiras-Lagoa e que se atopa soterrada. cuxas partidas hai que adaptar polo tempo transcorido dende a súa redacción en tempos do goberno anterior.
A reparación desta traída suporía un notable aforro para o concello, xa que no outono, inverno e incluso na primaveira (dependendo da cantidade de choivas) utilízanse para o abastecimento aguas soterradas que proceden de fontes e manantiais do monte de utilidade pública Salgueiras-Lagoa. Estas fontes mináronse hai máis de 40 años e instaláronse entón unhas tubarías que levan a agua ata a vila. Estas canalizacóns están case destrozadas e na actualidade, debido ao deterioro das instalacións, pérdese moita auga polo monte abaixo e así desaproveitase un ben prezado considerándose gran importancia a reparación desta traída. Esta é unha auga de calidade, que, sen custos e por gravidade, pasa a ETAP para o seu tratamento. Cando hai posibilidade de usar este caudal diminuen considerablemente os custos para o concello, pois non é necesaria a entrada en servizo da canle que ven do río Ulla, que eleva a auga por bombeo cos conseguintes gastos de enerxía eléctrica.
Tendo en cuenta eo aforro que aa traída dol monte reporta ás arcas municipais consideramos que debe de realizarse un investimento que sempre será rendible co aforro que imos ter logo pois as aguas soterradas chegarán para o subministro de máis meses do año. O estudo elaborado polo concello contempla o arranxo das fontes e pozos máis próximos e os seus correspondentes tramos de tubarías, deixando as maís lonxanas para una segunda fase de actuación. Son en concreto catro as fontes que se inclúen: A Fonte do Lobo, a de Curtalumes, e as dúas da Vagoada.

Tamén é fundamental a segunda das actuacións pois as tubarías de sanemento e abastecemento da rúa Doutorr Mosquera (e incluso da pista que dende de baixada da pista da Barosa ata a propia rúa Doutor Mosquera en Condide), son moi antigas e están moi danadas. As avarías son contínuas con cortes de auga á veciñanza e con problemas no pavimento case sempre que chegan á intersección con Estrada Nacional N-550.

Agora temos unha gran oportunidade para acometer estas dúas actuacións no plan da Deputación de Pontevedra (sabemos que outros grupos tamén consideran prioritaria a execución destas obras) e non debemos desaproveitar esta gran ocasión.

Pontecesures, 19/08/13

Luis Ángel Sabariz Rolán
Concelleiro da ACP Pontecesures

Por Luis Angel Sabariz Rolán, fai

Nota da ACP sobre a Escola Infantil Municipal de Pontecesures.

Xa é coñecida a crítica desta agrupación porque a gardería municipal leva pechada dende o 1 de agosto pola nefasta xestión do goberno local ao demorarse a nova adxudicación do servizo á empresa adxudicataria logo de rematar as tarefas a empresa anterior. Había uns 17 nenos/as que ían a acudir en agosto á escola infantil e os seus pais con decepción tiveron que atoparr unha solución de emerxencia para coidar aos seus fillos xa que o anuncio do peche por parte do concello foi só dous días antes de producirse (o 30 de xullo). Houbo numerosas queixas porque se isto é o que fai o goberno para conciliar a vida laboral e familliar como continuamente anuncia, apaga e ímonos.

Pero é que o día 1 de agosto, a concelleira Cecilia Tarela manifestou, con motivo da entrega das chaves da gardería por parte da antiga empresa, que a escola ía abrir o 19 de agosto, pero con sorpresa desagradable para todos isto non vai ser así, porque dende o concello se está a chamar aos pais para dicirlle que a apertura será o 26 de agosto no mellor dos casos. Agora non son cuestións burocráticas como dícia o noso goberno, agora é, ao parecer, que hai humidades no edificio que afectan ás paredes é que hai que corrixir.

A indignación de varios pais/nais vai en aumento, e ninguén entende porque nestes días de agosto estivo o edificio pechado e sen actividade e descobran agora o problema das humidades.

A ACP considera lamentable todo o que está a suceder neste tema da escola infantil e así manifesta:

1. Que non sabemos a que ven este obscurantismo na xestión e porque non se lle explica á oposición o que está a suceder. Só somos convocados para actos protocolarios sen máis.

2. Que demandamos información do que está a suceder coa subrogación dos contratos das traballadoras que pasan da antiga empresa á nova con todos os dereitos e quen vai abonar ás traballadoras a nómina de agosto coa gardería pechada.

En fin; que estamos cun goberno totalmente inoperante cun alcalde practicamente invisible, cun concelleiro de educación e servicios sociais desaparecido nesta tema da escola infantil, e coa concelleira Cecilia Tarela que non é quen de solucionar este lío no que meteu ao concello.

Entre reunións de traballadoras e sindicatos na Casa do Concello, entre recursos de empresas presentados nas oficinas municipais e entre informes e consellos das asesorias pasamos este mes de agosto e mentres tanto a gardería continua pechada. Dos nenos e dos seus pais parece que ninguén se lembra. E son os grandes prexudicados.

Pontecesures, 14/08/08

Luis Ángel Sabariz Rolán
Concelleiro da ACP Pontecesures

Por Luis Angel Sabariz Rolán, fai