ACP solicita a retirada dos postes da Cruz de Infesta.

NOTA DA AGRUPACI�?N CIDADÁ DE PONTECESURES (ACP)

Hai xa un par de meses rematou practicamente a obra de acondicionamento da Cruz de Infesta que foi incluída no Programa LEADER PLUS da ADR ULLA-UMIA que tivo unha execución moi lenta con varias incidencias (queixas pola colocación de adoquíns nas beirarrúas porque o firme é irregular nas mesmas, colocación dunha cruz ornamental inadecuada que nada ten que ver cos típicos cruceiros galegos, problemas coa altura da balaustrada, etc…)

O que está pendente todavía e a retirada dos vellos postes de Unión Fenosa e de Telefónica que son agora un auténtico estorbo e deslucen a actuación.

Prégase ao alcalde, que se fagan as xestións oportunas para que sexan executadas canto antes as obras de retirada destes vellos elementos como demandan moitos veciños e así a actuación no lugar de Infesta remata dunha vez por todas.

Pontecesures, 6 de febreiro de 2007

Luis Angel Sabariz Rolán
Concelleiro da ACP de Pontecesures