Durante estas noites ADIF está a substituir as travesas de madeira da vía na Estación.

Os traballos comezaron hai uns días por parte dun equipo duns 20 operarios que realizan as operacións entre as 23 horas e as 5,30 horas e van por tramos. Se están a substituir as vellas travesas de madeira na vía do primeiro andén, por outras de formigón. Lémbrase que este tramo de dobre vía, vai dende a ponte da estrada nacional N-550 ata o paso a nivel da rúa San Lois, no centro da vila, e que a vía do andén segundo xa ten travesas de formigón hai anos.
O mal estado das travesas de madeira nunha zona de gran humidade preto da ponte da estrada nacional, puido ser unha das causas do descarrilamento dun tren rexional o 3 de xaneiro pasado.
Os traballos rematarán nunha semana aproximadamente.