Hoxe 2 de setembro celébrase o Día de Ceuta, con concentracións convocadas en todos os concellos de España ás 20:00 horas en apoio á cidade autónoma e á súa condición española.
A cita é unha mostra de apoio e agarimo de toda España cara a Ceuta, nun día sinalado no seu calendario institucional.
Aos 98 anos de idade finou o pasado luns a veciña de Infesta Josefina Eiras Laseiras viúva de Manuel Angueira Pérez “O Mecha”, O funeral tivo lugar onte martes na Igrexa de Pontecesures. O corpo foi incinerado na intimidade familiar.
Descanse en paz.
Os hospitais galegos necesitan máis de 400 doazóns de sangue cada día para atender intervencións, trasplantes e tratamentos oncolóxicos. Co obxectivo de manter as reservas, as unidades móbiles da ADOS percorrerán decenas de concellos entre o luns 31 de agosto e o sábado 5 de setembro.
Na nosa comarca hai dous puntos destacados para doar:
Tamén se poderá doar en Rois (luns 31), na parada de Stellantis (martes 1) e en Santiago (Praza Roxa, mércores 2), entre outros puntos de A Coruña, Lugo, Ourense e Pontevedra.
Se tes dúbidas sobre o proceso ou queres consultar as próximas datas e ubicacións, podes facelo en ados.sergas.gal ou no teléfono gratuíto 900 100 828.
Fonte: Esto pasa Galicia
Participantes no certame Anguía Chef en Valga.
Oconcurso de receitas Anguía Chef xa ten gañador. A veciña de Pontecesures, Sonia Carbia Torres alzouse co primeiro premio do certame, celebrado o luns no marco do Agosto Gastronómico. A súa proposta, unha croqueta desestruturada de anguía, conquistou ao xurado grazas a súa orixinalidade, trato e sabor.
Porén, non foi a única elaboración boa. O xurado, encabezado polo chéf Álex Iglesias, tivo complicada a selección. Produciuse un triplo empate con outras dúas receitas: a Anguía crocante do Ulla de Pablo Quintáns e a Anguía ao forno de Jorge Riveiro.
En total foron seis os participantes do certame. As tres propostas restantes foron Entremeses variados de Anguía, de José Andrés Freiría, Anguía guisada con pan ao azafrán, de Carmen García e A coca da avoa Pilar, de Remedios Couselo. O xurado destacou que «houbo moita calidade» e que a decisión final foi complicada. As actividades continuarán este domingo cun showcooking ás 13.00 horas.
La Voz de Galicia
O Concello de Valga rendiu homenaxe aos alumnos e alumnas cos mellores expedientes académicos do curso 2025-2026 nun acto celebrado no Auditorio Municipal.
A cerimonia estivo presidida polo alcalde, José María Bello Maneiro, acompañado pola concelleira de Educación, Carmen Gómez, e o director xeral de Centros da Xunta, Jesús Álvarez Bértolo.
En Educación Primaria foron recoñecidas Inés Vázquez Soutullo (CEP Xesús Ferro Couselo) e Lucía Bouzón Bouzón (CEIP Baño-Xanza). En ESO o galardón recayeu en Adela Portas Bouzón, e en Bacharelato destacaron Jesús Manuel Lafuente Bello (Ciencias e Tecnoloxía) e Martín Otero Isorna (Humanidades e Ciencias Sociais).
Na Formación Profesional foron distinguidos Anxo Gil Doce (Axordeiraría), Anxo Varela Lorenzo (Fabricación e Montaxe), Saray Suárez Hermida (Xardinería), Anxo Rey Pancorbo e Manuel García Míguez (Soldadura), Lucas Martínez Beltrán (Construcións Metálicas) e Raúl García Janeiro (Mecatrónica Industrial).
As ensinanzas musicais tamén foron recoñecidas: Lucía Rey Aboy (violoncello) e Darvin Villar Gens (trompeta) no Grao Profesional, e Carlos Blanco Villena (Grao Superior), que ofreceu unha actuación en directo.
Cada homenaxeado recibiu un diploma, unha placa conmemorativa e unha tablet da Consellería de Educación.
Fonte: Faro de Vigo
O pemento de Padrón vive un verán de prezos récord. Segundo se recolle na prensa, o quilo puido superar os 12 euros nalgunhas postas, con subidas de máis de dous euros respecto a anos anteriores.
Os produtores explican que a escasez de oferta é a principal causa: hai moi poucos pementos no mercado. As condicións climatolóxicas adversas e a redución de superficies cultivadas contribuíron a esta situación, que se nota tanto nos mercados locais como nos restaurantes da comarca.
Fonte: El Español
A Asociación AMIPA impulsará os días 24 e 29 de xullo unha nova xornada do proxecto Camiño á Inclusión, que promove a participación activa de persoas con discapacidade intelectual ao longo do Camiño Portugués.
A actividade desenvolverase no adro da igrexa da Escravitude, en Padrón, entre as 9:00 e as 12:00 horas. Alí, un grupo de persoas usuarias de AMIPA ofrecerá orientación e información ás peregrinas e peregrinos, sellará credenciais e dará a coñecer produtos de artesanía e papelería elaborados nos seus obradoiros, inspirados no Camiño e na comarca do Sar.
O proxecto nace da vontade das propias persoas usuarias de participar de xeito activo na comunidade. Para iso, recibiron formación sobre a historia do Camiño, atención ao peregrino, comunicación accesible e patrimonio rural galego. A iniciativa conta coa colaboración de Alma Peregrina e o apoio de Galiwonders.
Fonte: El Correo Gallego
Segundo información de archicompostela.org, hai confirmacións importantes na zona de Cordeiro e Pontecesures que reflecten a actividade e dinamismo do municipio.
Estas actividades culturais e sociais reflicten a vitalidade de Pontecesures, mantendo as tradicións ao tempo que se apoian novas iniciativas para a comunidade local.
Fonte: archicompostela.org