Pontecesures busca alumnos para un curso de galego.

O Concello pretende organizar un curso oficial de galego, de nivel CELGA 2, para o que precisa contar cun mínimo de 25 persoas preinscritas. Dito curso sería impartido en Pontecesures entre abril e maio, en horario de tarde-noite, e cunha duración de 75 horas, antes do exame que a Consellería convoca para outorgarlle o diploma a quen o supere. Por elo, ábrese un prazo, que remata o venres 14 de marzo, para que todas aquelas persoas interesadas pasen polas oficinas do concello a anotarse.