Comeza o programa «Preescolar na casa 2008/2009».

No edificio do Club Xuvenil foi presentado hoxe ás 17:00 o programa de referencia coa asistencia de José Expósito, psicólogo e orientador do programa nesta comarca, e de Consuelo Ordóñez Martínez, traballadora social de Pontecesures.

Asistiron uns 15 nais/pais cos seus fillos e a primeira sesión terá lugar o mércores, 8 de outubro de 17 a 19 horas no propio Club Xuvenil.

Estas reunións, que serán cada 15 días, van dirixidas a familias con nenos/as de o a 3 anos (deben asistir a nai/pai ou avoa/avó, ou outro familiar co neno). Trataranse asuntos relacionados coa educación e coidados dos nenos en estas idades (problemas de sono, retirada do pañal ou de chupete, lactancia materna, ou calquera outro tema que preocupe ós pais/nais que asistan a estas reunións).