Un camión incendiouse a pasada madrugada na rúa Fontaíña de Pontecesures.

Pouco antes das cinco da madrugada, declarouse o incendio dun pequeno camión caixa na rúa Fontaíña de Porto (subida ao campo de fútbol dende a as proximidades da vía férrea), propiedade dunha pulpería cesureña. A explosión das rodas espertou a varios veciños, e no lugar presentáronse membros de Protección Civil de Pontecesures e a motobomba de Padrón. A camión ardeu por completo e tamén varios elementos que tiña na caixa (taboleiros para mesas de pulpería, fundamentalmente). Tendo en conta que o vehículo non circulaba dende hai uns meses, pode supoñerse que o incendio fose provocado.
A rúa estivo sempre expedita, e arestora o camión xa foi retirado por unha empresa de desgüace.