Esta noite haberá un operativo especial da Policía Local e de Protección Civil de Pontecesures.

Por mor das fogueiras de San Xoán e das festas que organiza a veciñanza, esta noite do 23 ao 24 de xuño haberá un operativo especial da Policía Local e de Protección Civil de Pontecesures para garantir, dentro do posible, a seguridade das persoas e dos bens.
Esperemos que non haxa incidencias salientables, facendo un chamamento para que se respecten os bens de todos. Unha cousa é a diversión, e outra, ben distinta, e causar danos sen sentido algún, en bens públicos ou privados.
Tamén se contará coa presenza de efectivos da Garda Civil de Valga.