Unión Fenosa recolocou a columna derrubada polo temporal na rúa dos Namorados de Porto.

O venres, 13 de novembro, por mor do temporal, caeu derrubado un vello poste de madeira de Unión Fenosa que estaba situado sobre unha beirarrúa da rúa dos Namorados de Porto.
No seu lugar instalouse por Elenor, empresa concesionaria da compañía eléctrica, un poste de formigón. En lugar de facelo no mesmo sitio (o poste estaba no medio e medio da beirarrúa dificultando o paso das persoas), desplazouse ata a extrema dunha parcela por solicitude do concello e coa autorización dos titulares do terreo.